Новости за 25.12.2024

25 декабрьдә Мәскәүдә совет һәм Россия хәрби җитәкчесе, хәрби теоретик һәм тарихчы Мәхмүт Гәрәевне (1923-2019) искә алдылар.

Бүген Кемерово шәһәренең Гоголь исемендәге китапханәсендә «Яңа ел этно-стиле» конкурсы нәтиҗәләре буенча бүләкләү булган. Бу хакта «Татар-информ» хәбәрчесенә Кемеровода «Ак калфак» татар хатын-кызлары оешмасы җитәкчесе Рәйхана Григорьева хәбәр итте.

Башкортстан Республикасы Милли музеенда Мостай Кәрим исемендәге фонд директоры, бөек башкорт шагыйренең кызы Әлфия Кәримова белән очрашу була.

«Татарстан» радиосы Яңа елны зур премьера белән каршылый. Яшь тыңлаучыларга бәйрәм бүләге итеп язучы Хәниф Хәйруллинның «Киржаклар илендә» әсәре буенча «Маҗаралы каникул» дигән күпсерияле радиофильм әзерләнгән.

Моңарчы күрелмәгән тышкы сынаулар ил һәм республикабыз фәнни-белем бирү комплексы эшенең төп принципларын һәм шартларын тамырдан үзгәртте. ТР Рәисе Рөстәм Миңнеханов республика Хөкүмәте йортында узган Мәгариф һәм фән советы утырышында шулай дип белдерде. Бу хакта ТР Рәисенең матбугат хезмәте хәбәр итә.

Россия Президенты Владимир Путин, Азәрбайҗан Президенты Илһам Алиевка шалтыратып, Азәрбайҗан компаниясе очкычының Актау шәһәре янында авиаһәлакәткә юлыгуына бәйле рәвештә кайгы уртаклашу сүзләрен җиткерде. Бу хакта РИА Новости агентлыгы РФ Президентының матбугат секретаре Дмитрий Песковка сылтама белән хәбәр итә.

Бөтендөнья татар конгрессының Милли шура рәисе Васил Шәйхразыев журналистлар белән очрашуда социаль челтәрләрне ни өчен алып бармавын аңлатты.

Казанда «Иске Таш» мәчетен реставрацияләү эшләре тәмамланды. Мәдәни мирас объектында төзекләндерү эшләре «Тарихи хәтер» федераль проекты кысаларында 2021 елдан бирле алып барылды. Бу хакта ТР Мәдәни мирас объектларын саклау комитеты хәбәр итә.

Татарстан Рәисе Рөстәм Миңнеханов Казахстанда очкыч һәлакәте аркасында туганнарын һәм якыннарын югалткан кешеләрнең кайгысын уртаклашты. Бу хакта ТР Рәисе матбугат хезмәте җитәкчесе Лилия Галимова хәбәр итә.

Актаудагы авиаһәлакәттә исән калучылар саны 29 кешегә кадәр арткан, дип хәбәр итә РИА Новости Казахстан Гадәттән тыш хәлләр министрлыгы оперштабына сылтама белән. Моңа кадәр 28 исән калучы турында билгеле иде.

Бөтендөнья татар конгрессының Милли шура рәисе Васил Шәйхразыев журналистлар белән очрашуда быел гаиләсендә булган шатлыклы хәл белән уртаклашты. Гаилә сугышта һәлак булган бабаларын эзләп тапкан.

Казахстанда һәлакәткә юлыккан самолетта Россиянең 16 гражданины булган. Бу хакта Казахстан Транспорт министрлыгының матбугат хезмәте хәбәр итә.

Татарстанда Туфан Миңнуллинның «Әниләр һәм бәбиләр» пьесасы буенча фильм төшереләчәк.

19 декабрьдә Уфаның Гази Заһитов исемендәге 65нче татар гимназиясендә татар халкының борынгы йола бәйрәме - «Каз өмәсе» узды. Бу хакта Бөтендөнья татар конгрессының матбугат хезмәте хәбәр итә.

Серб Республикасы Президенты Милорад Додик ТР Рәисе Рөстәм Миңнехановка хат юллады. Ул анда Сербия халкы исеменнән пилотсыз очу аппаратларының 21 декабрьдә Казанга ясаган һөҗүмен гаепләп чыга.

Казахстанның Актау шәһәре янында пассажир очкычы һәлакәткә очраган. Бу хакта ТАСС агентлыгы Tengrinews порталына сылтама белән хәбәр итә.

Укучыларының уңышлары өчен мөгаллимнәргә акчалата түләү биреләчәк. Әлеге инициатива Мәгарифне үстерү стратегиясендә урын алачак, дип белдерде РФ вице-премьеры Дмитрий Чернышенко. Бу хакта РИА Новости агентлыгы хәбәр итә.

Владикавказның «Алания Молл» сәүдә үзәгендә янгын чыккан. Нәтиҗәдә, бер кеше һәлак булган. Төньяк Осетия – Алания Республикасы башлыгы Сергей Меняйло шул хакта хәбәр итте.

Татарстан Рәисе Рөстәм Миңнеханов һәм республика Премьер-министры Алексей Песошин «Ел җитәкчесе - 2024» республика бәйгесе җиңүчеләрен һәм лауреатларын бүләкләү тантанасында катнашты. Тантана «Корстон» сәүдә-күңел ачу үзәгендә узды, дип хәбәр итә ТР җитәкчесенең матбугат хезмәте.

Татарстан Идел буе федераль округында хезмәт хаклары буенча алда бара. 2024 елның гыйнвар-сентябрь нәтиҗәләре буенча республикада уртача хезмәт хакы 71,4 мең сумга җиткән. 2023 елның шул ук чорында ул 59,2 мең сум тәшкил иткән. Бу хакта йомгаклау матбугат конференциясендә ТР Хезмәт, мәшгульлек һәм социаль яклау министры Эльмира Зарипова хәбәр итте.

Күренекле шагыйрә, публицист, журналист, җәмәгать эшлеклесе Нәҗибә Сафина татар теленең киләчәге турындагы фикерләре белән уртакалашты.

Бүген иртән, 25 декабрьдә, Казан аэропорты эшенә вакытлыча чикләүләр кертелде. Бу хакта Росавиациянең рәсми вәкиле хәбәр итә.

25 декабрь көнне Җирдә көчле магнит давылы көтелә. Сәбәбе - бүген булган көчле кояш кабынышы. Бу хакта үзенең телеграм-каналында «Фобос» һава торышы үзәгенең әйдәп баручы белгече Михаил Леус хәбәр итте.

Чәршәмбе, 25 декабрь көнне, Татарстанда аязучан болытлы һава көтелә. Бу хакта ТР Гидрометеоүзәгендә хәбәр иттеләр.

Актаныш районы Иске Байсар мәктәбен 2015 елда тәмамлаган Ранис Шәмсов Яңа ел алдыннан балаларны сөендереп саваплы гамәл кылды. Ул 54 укучыга Яңа ел күчтәнәчләре тапшырды.Бу хакта «Актаныш» сайтында Ләйсән Газизова хәбәр итә.