Новости за 06.08.2024

Татарстан Рәисе Рөстәм Миңнеханов Ютазы районында «Дубравушка» балалар сәламәтләндерү лагерендә булды.

Татарстан Рәисе Рөстәм Миңнеханов эш сәфәре белән Ютазы районына килде. Ул, район урып-җыю эшләре белән танышу өчен, район кырларын карады.

«Бердәм Россия» 2024 елгы сайлауларның барлык дәрәҗәсенә дә 36 меңнән артык кандидат тәкъдим итте. Сәяси тәҗрибәсе булмаган кандидатлар (алар арасында махсус хәрби операциядә катнашучылар да бар) гомуми санның 61 процентын тәшкил итә. Сайлау кампаниясендә «Бердәм Россия» аларга аерым игътибар бирә. Бу хакта партиянең Генераль советы сәркатибе вазифаларын башкаручы Владимир Якушев әйтте.

Татарстан вице-премьеры Фәнил Әһлиуллин Лисичанскидагы Күпфункцияле үзәк эшен тикшерде. Ул Татарстан шефлыгындагы шәһәрдә бердәнбер шундый үзәк. Үзәк хезмәткәрләре тулы куәтенә эшләсә дә, халык чираты хәтта урамга ук сузыла.

Саранск шәһәре башлыгының беренче урынбасары, Чаллыда туып-үскән Илья Соколов аеруча зур күләмдә ришвәт алуда шикләнелеп тоткарланган. Бу хакта Мордовия буенча Тикшерү комитеты матбугат хезмәте хәбәр итә.

Татарстан Рәисе Рөстәм Миңнеханов Бөгелмә районында «Наратлы» терлекчелек комплексында булды.

Казанның Гладилов урамында Алафузов фабрикасының төтен торбасын мәдәни мирас объектларының бердәм реестрына кертергә җыеналар. Татарстан Республикасының Мәдәни мирас объектларын саклау буенча комитетының бу хактагы указы ришвәтчелеккә каршы экспертиза уза.

Казанның Вахитов районы суды Татарстан Дәүләт Советының элекке депутаты һәм инвалидлар берлеге башлыгы Рифат Ганибаевка хөкем карары чыгарды. Аны аеруча зур күләмдә ришвәт алуда гаепле дип таптылар.

Татарстан Рәисе Рөстәм Миңнеханов эш сәфәре белән Бөгелмә районына килде. Ул анда «Гәүһәр» мәчетендә булды, дип хәбәр итте республика Рәисенең матбугат хезмәте җитәкчесе Лилия Галимова.

Россия Федерациясе мөселманнары Диния нәзарәте рәисе, мөфти шәех Равил Гайнетдин Төньяк Кавказ мөселманнары Координация советы рәисе Исмәгыйль Бердиев вафаты сәбәпле Диния идарәсе һәм үз исеменнән кайгынамә белән мөрәҗәгать итте. Бу хакта Россия Федерациясе мөселманнары Диния нәзарәтенең телеграм-каналында хәбәр ителә.

Соңгы елларда чып-чын татар гаиләләрендә тәрбияләнеп үсүче балаларның туган телебезне белмәве, ата-ана биргән сорауга русчалап җавап кайтаруы гадәти күренешкә әверелеп бара. Җырчы Ләйсән Гыймаева әлеге проблемага карата үз фик

Татарстан Республикасы мөселманнары Диния нәзарәтенең «Зәкят» хәйрия фонды ел саен үткәрелүче «Мәктәпкә җыенырга ярдәм ит» республикакүләм акциясе башлануы хакында игълан итә. Бу хакта ТР Диния нәзарәте матбугат хезмәте хәбәр итә.

«Казанга гашыйк бул» бәйгесендә быел дүрт номинациядә катнашырга була: «Казан турында иң яхшы видеоролик», «Туристик Казан» иң яхшы фотоэшләр», «Казан шәһәрендә туристлык турында иң яхшы мәкалә» һәм «Казан турында иң яхшы видеоролик. Команда эше». Бу хакта эшлекле дүшәмбедә туризмны үстерү комитеты директоры Дарья Санникова хәбәр итте.

Бүген Татарстанның кайбер районнарында кыска вакытлы яңгыр, яшенле яңгыр көтелә. Бу хакта ТР Гидрометеорология үзәге хәбәрендә әйтелә.

Федерация Советы махсус хәрби операция темасы белән бәйле 238 инициатива кабул иткән. Бу хакта РФ Президенты Владимир Путин белән очрашуда Федерация Советы рәисе Валентина Матвиенко сөйләде.

Чаллы мэры Наил Мәһдиев төзүчеләрнең тизрәк эшләвен сорады. Чаллы йортларында капиталь ремонт 91 процентка башкарылган. Бу хакта «Шәһри Чаллы» сайтында Лилия Хәбибҗанова хәбәр итә.

«Zaинск с Vами» волонтерлар төркеме бу көннәрдә чираттагы гуманитар ярдәмне әзерли. Ул халык акчасына алынган «Газель» машинасында илтеләчәк. Бу хакта «Зәй яңалыклары» хәбәрендә Клара Екрмолаева хәбәр итә.

Мөслимдә малайлар һәм ир-егетләр арасында Дуслар истәлегенә багышланган футбол ярышы үткәрелде. Бу хакта «Мөслим-информ» хәбәр итә.

Алабугада Спас ярминкәсендә 339 мең кеше булган. Туристлар санының артуы ярминкәнең ребрендингы белән бәйле. Бу хакта «Алабуга нуры» хәбәр итә.

Саба урман хуҗалыгы Казан кунакларын кабул итте. Мишә авыл җирлегендә үз гаиләләре белән Татарстан Рәисе администрациясе хезмәткәрләре булды. Бу хакта http://saby-rt.ru/ хәбәр итә.