Новости за 18.07.2024

Бүген кич, шулай ук төнлә һәм 19 июль иртәсендә Татарстанда һава шартларының начараюы ихтимал. Бу хакта ТР Гидрометеоүзәге хәбәр итә.

28 сентябрьдә Казан белән Шанхай арасында туры авиаэлемтә ачыла, дип хәбәр ителә Россия Туроператорлары ассоциациясе телеграм-каналында.

2024 елда Татарстанда 8,5 мең урынлы сигез яңа мәктәп сафка бастырыла, булганнарына өч янкорма төзелә. ТР Дәүләт Советы Рәисе Фәрит Мөхәммәтшин «Бердәм Россия» партиясенең төбәк бүлеге һәм Мәгариф министрлыгы тарафыннан үткәрелгән белем бирү учреждениеләрен капиталь ремонтлау һәм төзү Президент программаларын гамәлгә ашыру буенча федераль штаб утырышында шулай дип белдерде.

Соңгы елларда чып-чын татар гаиләләрендә тәрбияләнеп үсүче балаларның туган телебезне белмәве, ата-ана биргән сорауга русчалап җавап кайтаруы гадәти күренешкә әверелеп бара. Алып баручы, җырчы Зөлфәт Зиннуров балаларының татарча сөйләшүе һәм бу күренешкә карата үз фикерен белдерде.

24-26 июльдә Казанда Изге Коръән Премиясе була. Анда егермедән артык илдән килгән иң яхшы Коръән хафизлар катнаша, дип хәбәр итә оештыручыларны берсе – Россия мөселманнары Диния нәзарәте.

Иске Чүпрәле авылында, район ЗАГС бүлегендә контракт буенча хезмәт итүче Иван Шемеев һәм аның сөйгәне Тамара Юманованың никахы булды.

«Казан Кремле» музей-тыюлыгында начар ишетүче үсмерләр өчен оештырылган җәйге музей лагере төгәлләнде. Бу хакта ТР Мәдәният министрлыгының матбугат хезмәте хәбәр итә.

Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Кыргызстан Республикасы Бишкәк шәһәрендә. Биредә ул Кыргызстан Республикасының Казандагы генераль консулы Эрик Бейшембиев белән очрашты, дип хәбәр итә Бөтендөнья татар конгрессы матбугат хезмәте.

Июнь аенда Татарстанда 6,06 мең ипотека кредиты рәсмиләштерелгән, бу – Россия буенча бишенче урын. Моннан алдагы ай белән чагыштырганда әлеге күрсәткеч 29 процентка арткан, дип хәбәр итә Берләштерелгән кредит бюросының матбугат хезмәте.

Махсус хәрби операция зонасыннан ялга кайткан Инсаф Салихов Арчага Коръән ашына килде. Аны әфган сугышы ветераны Илнур Яруллин оештырган. Шулай ук Инсафның хатыны Раилә һәм кызы Камилә дә килгән иде, дип яза «Татар-информ» хәбәрчесе Эльза Кузнецова.

Пассажирлар йөртү өлкәсендә дәүләтнең ролен арттырмый торып, булган проблемаларны хәл итү мөмкин түгел. ТР Дәүләт Советының Торак сәясәте һәм инфраструктур үсеш комитеты рәисе Андрей Егоров «Татар-информ» агентлыгына биргән интервьюсында шулай дип белдерде.

Быел Татарстанда 10 мең гектардан артык мәйдандагы урманнар ефәк күбәләге һөҗүменнән зыян күргән. Корткыч бөҗәкләр шул исәптән Түбән Кама районында да ачыкланган, дип хәбәр итә «НТР 24» телеканалы.

«Безнең мирас» журналының баш мөхәррире Ләбиб Лерон җәлилчеләрнең авылларын йөреп чыгу бурычын куеп, «11 батыр» дип аталган проект башлау турында сөйләде.

«Татар ядкәрләре» проекты җитәкчесе, КФУның филология фәннәре кандидаты, доцент, Татарстанның баш фольклорчысы Фәнзилә Җәүһәрова «Татар-информ»га биргән әңгәмәсендә Республика традицион мәдәниятне саклау һәм үстерү үзәгендә эшләгән вакытта тупланган байлыкның шунда калуын әйтте.

«Татар ядкәрләре» проекты җитәкчесе, КФУның филология фәннәре кандидаты, доцент, Татарстанның баш фольклорчысы Фәнзилә Җәүһәрова «Татар-информ»га биргән әңгәмәсендә Республика традицион мәдәниятне саклау һәм үстерү үзәгендә эшләгән вакытта тупланган байлыкның шунда калуын әйтте.

Бүген, 18 июльдә, Татарстанда җылы, әмма тотрыклы булмаган һава торышы фаразлана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Россиянең һәм Татарстанның халык артисты, Нәҗип Җиһанов исемендәге Казан дәүләт консерваториясенең вокал сәнгате кафедрасы мөдире, профессор Зилә Сөнгатуллина әйтүенчә, Кытайдан студентлар консерваториягә күпләп укырга килү сәбәпле, яңа уку елында алар өчен «вокаль педагогика» дигән яңа факультет ачыла.

Азәрбайҗанның «Яшьлек» татар яшьләре үзәге җитәкчесе Дияз Әхмәтҗанов КФУның Татар халык хоры гастрольләре вакытында «Татар-информ» хәбәрчесенә Азәрбайҗан һәм Татарстанның хезмәттәшлеге турында сөйләде.

Актаныш районы Яңа Байсар авыл мәдәният йорты каршында «Пиннек – җанга рәхәт, тәнгә сихәт бирә» исемле Каен себеркесен бәйләү бәйрәме узды. Бу хакта «Актаныш-информ» сайты яза.

Мөслимнең «Урман иле» сәламәтләндерү лагерендә «Безнең белән бие! Безнең кебек бие!» дигән темага мастер-класс үткәрделәр. Бу хакта «Мөслим-информ» сайты яза.

Алабуга районында 21 июльдә чәй яратучылар өчен бәйрәм – «Иван-чәй» фестивале узачак. Бу хакта «Алабуга нуры» газетасы яза.