Новости за 15.07.2024

Казан һәм Чаллы кулланылышка торак тапшыру буенча Россиянең йөзләгән шәһәре арасына керде. Бу хакта РИА Новости хәбәр итә.

Саклану министрлыгы белән килешү төзегән өчен түләүләр Татарстанда башка төбәкләргә караганда ике-өч тапкырга күбрәк. Бу хакта «Җиңү армиясенә кушыл!» телемарафонында Килешү буенча хәрби хезмәткә җыю пункты җитәкчесе урынбасары Рөстәм Сәфиуллин сөйләде.

Россия Герое Рәсим Баксиков махсус операциядә катнашу өчен килешү төзегән хәрбиләр үз гаиләләре өчен ышаныч һәм тынычлык тойсын өчен, аларга түләүләр бик мөһим диде. Бу хакта ул «Җиңү армиясенә кушыл!» телемарафонында чыгыш ясаганда сөйләде.

«Созвездие-Йолдызлык» фестивале лауреатлары һәм җиңүчеләре өчен традицион җәйге иҗади смена агымдагы елның 22 июленнән 13 августына кадәр Алуштаның «Сатера» балалар сәламәтләндерү лагеренда узачак. Анда Татарстанның 16 шәһәреннән һәм районыннан 210 активист катнаша, дип хәбәр итә ТР Яшьләр министрлыгының матбугат хезмәте.

Бүген, 15 июльдә, Татарстанда 12 сәгатьлек «Җиңү армиясенә кушыл!» акциясе старт ала. Акция «ТНВ-Татарстан» һәм «ТНВ-Планета» телеканалларында узачак, ул иртәнге сәгать 8дә башлана һәм 20 сәгатькә кадәр дәвам итәчәк. Чараны Россия Герое Рәсим Баксиков алып барачак.

Бүген, 15 июльдә, Татарстанда эссе һәм тотрыксыз һава торышы көтелә. Бу хакта ТР Гидрометеоүзәге хәбәр итә.

Мөслимнең «Җәмигъ» мәчетендә оештырылган ял һәм сәламәтләндерү лагерена йөрүче балалар ГТО нормативлары тапшырды. Бу хакта «Мөслим-информ» сайты яза.

Саба мөхтәсибәте район социаль яклау идарәсе белән берлектә кайгыртуга мохтаҗ гаиләләрдә тәрбияләнүче балалар өчен җәйге бәйрәм уздырды. Бу хакта «Саба таңнары» газетасы яза.

2 августтан 4 августка кадәр Алабуга конкур буенча зур республика ярышларын кабул итәчәк, алар яңартылган «Кентавр» ат спорты мәктәбендә узачак. Шул ук көннәрдә аны ремонттан соң рәсми рәвештә ачу планлаштырыла. Бу хакта «Алабуга нуры» газетасы яза.

Яшел Үзән районы Бәчек авылының 810 еллык юбилеен уздырдылар. Бу хакта «Яшел Үзән» сайты яза.