Новости за 26.06.2024

Бөтендөнья татар конгрессы «Чишмә» балалар фольклор коллективына костюмнар тектереп бирде. Бу турыда конгресс хәбәр итте.

6 июльдә Мәскәүнең «Коломенское» музей-тыюлыгында узачак Сабан туенда көрәш буенча дөнья Кубогының финал ярышлары була. Бу хакта Мәскәү шәһәре татар милли-мәдәни автономиясе төбәк иҗтимагый оешмасының матбугат хезмәте хәбәр итә.

Бүген пленар утырышта Дәүләт Думасы депутатлары эшләүче пенсионерларның пенсияләрен индексацияләүне яңадан кайтару турындагы закон проектын икенче һәм өченче укылышта кабул итте. Бу хакта Дәүләт Думасында Татарстаннан депутат Айрат Фәррахов хәбәр итте.

Татарстан финанс министры урынбасары Алла Анфимова «Татар-информ» агентлыгына физик затларның кеременә салымның (НДФЛ) биш баскычлы шкаласы республика бюджеты керемнәренә ничек йогынты ясаячагы хакында сөйләде.

Теләче районында керәшен карендәшләр яши торган авылларда Тройсын бәйрәме булган. «Теләче информ» мәгълүмат үзәге хәбәрчесе Фәнил Нигъмәтҗанов Субаш авылы болынында үткәрелгән бәйрәмдә катнашкан.

Татарстан Рәисе Рөстәм Миңнеханов Казан аэропорты ачылуга 100 ел тулу уңаеннан архив видеосы күрсәтте. 1924 елның 26 июнендә республикада аэростанция – беренче аэропорт ачыла.

Соңы елларда Россия һәм Кытай мөнәсәбәтләре моңарчы булмаган дәрәҗәгә җитте. Бу хакта Татарстан Рәисе Рөстәм Миңнеханов Кытай Халык Республикасының Синьцзян-Уйгур автоном районы Коммунистлар партиясе сәркатибенең форум делегатлары белән очрашуында әйтте.

Татарстан Рәисе Рөстәм Миңнеханов бүген Кытай Халык Республикасында башланган «ЭКСПО Кытай – Евразия» Халыкара күргәзмәсеннән фотографияләр күрсәтте. Республика үз стендын оештырган.

27 июньдә 17.00 сәгатьтә Үзбәкстанның Ташкент шәһәрендә Халыкара яшьләр фестивале кысаларында төрки телле халыклар арасында КВН була. Чарада Кыргызстан, Башкортстан, Казахстан, Азәрбайҗан, Таҗикстан, Татарстан, Үзбәкстан һәм Беларусь командалары катнаша.

Шәрык клубында «Моңлы тарих» дип исемләнгән кичәдә татар халык җырлары яңгыраячак.

Татарстанның Юстиция министрлыгында республика Рәисе каршындагы дәүләт хезмәте һәм кадрлар департаменты, Икътисад министрлыгы һәм «Татарстан Республикасы Муниципаль берәмлекләр Советы» Ассоциациясе вәкилләре катнашында узган эшлекле киңәшмәдә муниципаль хезмәтне үстерү буенча муниципаль программа проекты турында фикер алыштылар.

Татарстан Рәисе Рөстәм Миңнеханов сигезенче «ЭКСПО Кытай – Евразия» чарасы ачылышында катнашты. Быел халыкара вакыйганың темасы – «Ефәк юлында яңа мөмкинлекләр/Евразия өчен яңа яшәү көче», дип сөйләде Рәиснең матбугат хезмәте җитәкчесе Лилия Галимова.

Быел Татарстандагы югары уку йортларында максатчан укуга ихтыяҗ арткан. Югары уку йортлары эш бирүчеләр белән килешү төзү өчен абитуриентлардан гаризалар 2023 елдагыга караганда күбрәк булыр дип көтә. Бу хакта Татарстанның Министрлар Кабинетында узган брифингта әйттеләр.

Күптән түгел Татарстан Журналистлар берлегенең ХXI съезды булып узды. Биредә рәис сайланды. «Шәһри Чаллы» газетасы баш мөхәррире, Татарстан Республикасының атказанган матбугат һәм массакүләм мәгълүмат чаралары хезмәткәре Резидә Юсупова берлек эшчәнлегенә карата үз тәкъдим-фикерләре белән уртаклашты.

2024 елның 20-27 июлендә борынгы Болгар шәһәрендә традицион Бөтенроссия мөселман яшьләре форумы узачак. Форумны Ислам мәдәниятенә, фәненә һәм мәгарифенә ярдәм күрсәтү фонды белән берлектә Татарстан Республикасы мөселманнары Диния нәзарәте оештыра. Бу хакта ТР Диния нәзарәте матбугат хезмәте хәбәр итә.

«Әкият» курчак театрында «Шомбай fest» халыкара курчак театрлары фестиваленең ачылу тантанасы театрны «Алтын битлек» премиясе белән котлаудан башланды.

Бүген, 26 июньдә, Татарстанда салкын һәм тотрыксыз һава торышы саклана. Бу хакта ТР Гидрометеоүзәге хәбәр итә.

Икътисад фәннәре кандидаты, аналитик Николай Кульбака «Татар-информа»га дәүләтнең ни сәбәпле эшләүче пенсионерларның пенсияләрен янә индексацияләргә әзер булуын әйтте. Аларның пенсия түләүләрен индексацияләү 2016 елдан бирле үткәрелмәде.

Әлмәтне Татарстан республикасының көньяк-көнчыгыш спорт башкаласы дип атарга була. Алга киткән спорт базасы ярдәмендә Әлмәт даими рәвештә республика һәм бөтенроссия дәрәҗәсендәге ярышлар уздыру мәйданчыгына әверелә. Аларның берсе-ел саен үткәрелә торган «Триатлон АМР» спорт сменасы. Бу хакта «Әлмәт таңнары» хәбәр итә.

Түбән Камада педагогика көллиятен ремонтлау дәвам итә, аны төзү инициаторы шәһәрнең мактаулы гражданины Нәкый Әхмәтшин була. Иҗтимагый советның чираттагы утырышында мәгариф системасының җирле ветераннар оешмасы учреждениегә нәкъ менә аның исемен бирергә тәкъдим итте. Бу хакта Түбән Кама муниципаль районы рәсми сайтында хәбәр ителә.

Чирмешән районы Ульяновка авылы кешеләре хәрби операция зонасына якташларына 4 «Нива» автомобилен озатты. Бу хакта «Безнең Чирмешән» сайтында Марат Гомәров яза.

Зәйнең Ринат Фәрдиев исемендәге татар гимназиясендә татар теле һәм әдәбияты белгечләренең төбәкара семинары үтте. Ул ТР Мәгариф һәм фән министрлыгы, «ТР Мәгарифне үстерү институты» өстәмә һөнәри белем бирү дәүләт автономияле мәгариф учреждениесе һәм Зәй районы мәгариф идарәсе белән оештырылды. Бу хакта «Зәй яңалыклары» сайтында Энҗе Әгъләмова хәбәр итә.

Аксубай районы авыл хуҗалыгы предприятиеләре һәм фермер хуҗалыклары терлек азыгы әзерләүгә бөтен көчләрен куя. Бу хакта «Авыл таңнары» сайтында хәбәр ителә.