Улуу сыһыыларга өр хаамтым Биллибэт кистэлэҥи билээри, Суругу-бичиги хаһыстым Өйдөөх сүбэ тыллары истээри. Өбүгэм номохторун иһиттим Көстүбэт ыллык суолу булаары, Ааҕаммын ырыта иһийдим Билбиппиттэн кэпсии тураары. Кырыалаах хайалары кэрийдим Түҥ былыргы тыаллардыын көрсөөрү, Сэбирдэх сипсиэрин кэрэхсээтим Кырдьык буолбуттуун өйдөһөөрү. Сымыйа кэпсэли ырыттым Ааспыт олох кырдьыгын билэммин, Куолу сүпсүлгэнтэн сылайдым Аан Дойдубут сэһэнин истэммин. Киҥкиниир киэҥ […]
Сообщение Биллибэт кистэлэҥи билээри появились сначала на Сетевое издание SAKHALIFE.RU.
Улуу сыһыыларга өр хаамтым
Биллибэт кистэлэҥи билээри,
Суругу-бичиги хаһыстым
Өйдөөх сүбэ тыллары истээри.
Өбүгэм номохторун иһиттим
Көстүбэт ыллык суолу булаары,
Ааҕаммын ырыта иһийдим
Билбиппиттэн кэпсии тураары.
Кырыалаах хайалары кэрийдим
Түҥ былыргы тыаллардыын көрсөөрү,
Сэбирдэх сипсиэрин кэрэхсээтим
Кырдьык буолбуттуун өйдөһөөрү.
Сымыйа кэпсэли ырыттым
Ааспыт олох кырдьыгын билэммин,
Куолу сүпсүлгэнтэн сылайдым
Аан Дойдубут сэһэнин истэммин.
Киҥкиниир киэҥ халлаан диэкиттэн
Быһыттаҕас долгуннар бараллар,
Ийэ сирим килбэйэр иэниттэн
Тэйэннэр тэнийэ тарҕыыллар.
Сир халлаан ыпсыһар ситимин
Ити кэлэр долгуммут хамсатар,
Тыҥаабыт болҕомтом ситиитин
Бүппэт куйаар дорҕооно дуоһутар.
Аан дойду кырдьыктаах сэһэнэ
Үөһээттэн күүстээхтик ньириһийэр,
Дьиҥ үтүө эрэ кэрэхсэнэн
Ийэ сирим тыаһа суох иһийэр.
Сэһэни куоттарбат санаабар
Тулалыын биир турукка киирэбин,
Барытын тулуйар туһугар
Үрдүк эйгэ утаҕын иһэбин.
Сообщение Биллибэт кистэлэҥи билээри появились сначала на Сетевое издание SAKHALIFE.RU.
