Чолбон сулус уотун кэрдэр
Модун санаа тугун билэр
Туруу саха кимий дэтэр
Улуу үйэ кимэн иһэр…
Сандаарыахтын санаа эмиэ
Саҥа дьыллыын көрсүһэртэн,
Манньыйыахтын харах эмиэ
Мааны, уоттаах харыйаттан.
Маҥан хаардыы сырдык, сылаас
Махталынан сылбыт бүттүн,
Эдэр сылгы курдук айаас
Эҕэрдэлээх сылбыт үүннүн.
Айыылартан тэһииннэнэн
Арҕас үөһэ мэлдьи буолуох,
Үрүҥ күннээх омук буолан
Өрөгөйдөөн, туругуруох!
Ырыа буолан төлө көтөн
Ыра санаа ыраатыахтын,
Эрчим буолан өрө мөҕөн
Эрэл үөскэ эрдиниэхтин.
Чороон аайы дьол кымыһа
Тапталынан дьалкыйыахтын,
Сүрэх аайы санаа кыыма
Саҥа дьолго саҕыллыахтын!
САЙА
БАРЫГЫТЫН САҤА ДЬЫЛЫНАН ЭҔЭРДЭЛИИБИН!
БАҔАРАБЫН ЭРЭЛИ, ТАПТАЛЫ, ЭЙЭНИ!