Алдыра вахархочунна уьрсан чевнаш йина хиларх социалан машанашкахула дIасаяржийна информаци таллар тIедиллина Нохчийчуьрчу прокуроро Абдул-Кадыров Шарпуддис. Дийцарехь, Соьлжа-ГIаларчу дарбан цIийне валийна хилла Алдыра 28 шо долу вахархо. Шайн хIусамехь дов даьллачу заманчохь дестечо аьрру хонах урс тоьхна хилла цунна. Прокуратуран белхахоша талламаш болийна хиллачу зуламна гонах.
Несарахь дIалецна хилла ГIалгIайчуьра жигархой Яндиев Руслан а, Муцольгов Мохьмад а ("Машр" организацин цIархо) маьршабаьхна еаридийнахь, пхи дей-буьйсий чохь а даккхийтина Нохчийчоьнна дIаделлачу латтанаш тIехь субботникна уьш кечлучу хенахь лаьцна бигинера уьш. "Изоляторчуьра тахана араваьалла со. Сагатдинчарна массарна а баркалла. Жимма метта а веана, зIене вер ву со", - аьлла, яздина Фейсбукерчу шен агIонехь Яндиев Руслана.
Ясин Гулам СаIид ОвхIанистанера Советан пачхьалкхе валийра цуьнан 11 шо долуш, кхидолчу бойшца а, баккхийчу хаькамийн, инарлийн берашца а цхьаьна. Даймахканна юьстах 30 шо даьккхинчу Ясинна бицбелла хьесап ду шен ненан мотт, хала ду цунна къаста ша воьллачу Оьрсийчоьнах. Ткъа ОвхIанистане дIакхаьчча, Ясин дийна вуьтур ву ала а дац.
Калифорнехь йийлинчу цIерашкахь беллачийн терахь 83 хьаладаьлла. 560 стаг вайна, лоьхуш ву. Меттигерчу Iедалхоша бахарехь, царех дукхахберш дийна хила а тарло, амма царна хууш дац, шаш тIепаза дайна лоруш дуйла. Ши кIира сов хан ю Калифорнехь цIераш юьйлу. 14 эзар цIа хIаллакдина оцу зуламо. Кхааридийнахь Калифорнин Къилбаседанехь тIаьххьарчу беттанашкахь дуьххьара догIа деара. ЦIе яйарехь доккха гIо а хилира цунах. Делахь а кхерам алсамбаьлла хIинца нах лоьхуш, операцехь болчу орцанхошна. Калифорнин исторехь дага а догIуш... Читать дальше...
Нохчийчохь цхьана хIусамчохь дIаихначу газо садукъош лаьтта жима бер кIелхьарадаьккхина орцах кхайкхиначу цIеяйархоша. Болчу хаамашца, латийна газ а йолуш, шо кхаьчна шен йоI ша чохь а йитина, туькана яхна хилла меттигера яхархо. Юхайирзинчул тIаьхьа хIусам чу ца кхачалуш хилла иза, догIа а доьхна. Орцах кхайкхинчу цIеяйархоша неI йохош, чу а лилхина араяьккхина кIуьрехь йиссина йоI. Байначу баттахь Ростов гIалахь хIусамехь цIе а яьлла, делира 10 бутт кхаьчна бер.
Iамеркан Мексикаца долчу дозанца хIиттина лаьттачу эскархошна магийна герзах пайда а оьцуш, мухIажирш сецо, нагахь къепе йохош я дозанхошна кхераме хьал хIоьттинехь. Iамеркан тIеман министро Мэттис Джеймса дина ишта дIахьедар. Дуладеллачу хьолехь цхьа сацам тIеэца масех минот бен хан яц аьлла, кхетийна цо шаьш тIеэцначу низамах. Оцу юкъанна Iамеркан Цхьанатоьхначу Штатийн низамаша доьхкуш ду маьршачу хенахь армина полисхойн бакъонаш ялар. Iамеркан Къилберчу дозане гIерташ ю Латинан Iамеркара мухIажирийн ковра, шайна тховкIело еха. Читать дальше...
Пачхьалкхехь лаьттачу проблемех жоьпалла Оьрсийчоьнан президентна Путин Владимирна тIаьхь ду аьлла 61 процент бахархоша. Еаридийнахь "Левада-центро" Iорадаьхначу жамIаша гойту и терахь. 22 процент респонденташна хетарехь, "цхьадолчунна" жоьпалле ву Путин. Путинан политика нийса ю, "ледара, коррупцица боьзна хьаькамаш" бахьана долуш гIуьттуш ю и проблемаш аьлла 10 проценто. "Лаамза" нислучу хьелашна бехк биллина 6 %. Шо хьалха 55 процент хаттамбинчара дIахьединера, доллучух а жоьпалла Путинна тIехь ду аьлла. Читать дальше...
Нохчийчоьнан Iедалша керлачу шарна базалг хIоттош а, бахархошна лерина Соьлжа-ГIалахь концерт вовшахтухуш 20 миллион сом дойур ду. Пачхьалкхан цIарах белхан гIирс эцаран сайтехь бина и хаам, яздо "Юкъара газетано". Хьостан информацица, Соьлжа-ГIалахь нохчийн артистийн концерт хIоттор ю, 52 метар лекха базалг югIур ю, шатлакхаш кхуьйсур ю.
Iамеркан Цхьанатоьхначу Штаташа вен кхачийна Царнаев ЖовхIар талламчашца берта ваха лууш хилла, ша вен а ца вуьйш, велла дIаваллалц набахтехь хан яккха вуьтург, амма прокуратурано тIе ца эцна цуьнан лаам. NBC телекомпанино Iораяьккхина и информаци кхелан кехаташ девзинчул тIаьхьа, хаамбо ТАСС агенталло. 2013-чу шеран бIаьста 3 стаг а вуьйш, 282 лаза а веш, Бостон-гΙалахь марафон йоьдуш ши эккхийтар дарна бехке вира, хΙеттехь лоцуш полицино вийна Царнаев Тамерлан а, тΙаьхьо лаьцна Царнаев ДжовхΙар а. Читать дальше...
Нохчийчуьрчу вахархочо Инстаграмехь республикан прокуроре Абадиев Идрисан "Оьздангалла- дуьненан а, эхартан а орам бу" книга экстремизме материал юй таллар дехначул тIаьхьа, и жайна листа сацамбина Нохчийчоьнан прокуратурано. Республикерчу чоьхьарчу гIуллакхийн министраллан дакъойн белхахой юкъа а озийна, талламаш болийна жайни тIехь. Абадиев Идрис – гIалгIайн политик, бизнесхо, юкъаралхо, оппозиционер ву. 2001-чу шарахь арахецна цо "Оьздангалла- дуьненан а, эхартан а орам бу" книга, ткъа цул тIаьхьа... Читать дальше...
