Полицино шена тешнабехкца йиллина наркотик, боху Титиев Аюба. Оцу хьокъехь цо дина арз тIе ца оьцура талламо, хIинца Талламан комитет реза хилла иза талла.
Британерчу Солсбери гIалахь Оьрсийчоьнан тIеман ницкъийн Коьртачу талламан урхаллан хилла волчу белхахочунна Скрипаль Сергейна а, цуьнан йоIана а тIелатар деш лелийна «Новчичок» дIовш дина хилла Саратовн махкахь ша-тайпа рожехь латточу Шиханы гIаларчу лабараторехь. Цунах лаьцна яздина Британерчу The Times гезото. Цо дийцарехь, и хаам бина Британин талламан сервисан векалша. Цара дийцарехь, Саратовн махкахь йолчу оцу объектехь зуьйш хилла «Новичок» олу дIовш, ткъа иштта оьшуш кIеззиг нах байа оьшуш хилча цунах пайда эцаран кепаш а. Читать дальше...
Гуьржийчоьнан Iедало дихкина Iедалхошна Iаьржачу машенашна тIехь лелар. ХIара бутт чекхбалале иштта бос мел болу машен шайн гаражера дIаяккха еза цара. Муьлхха а бос хила мегар ду Iедалан машенан, иза Iаьржа ца хилчхьана, аьлла ду цу хьокъехь махкахь арахецначу цу омрана тIехь. Иштта сацам бар бахьана ду, машенийн Iаьржа бос Iедалан низамашца лела ца луучарна езаш хилар. ХIинца кхин цхьа башхалла ю иза, Гуьржийчуьра Къилбаседа Кавказе, къаьсттина Нохчийчу вогIуш тида мегар йолу. Кхузахь-м Iаьржа бос бу машенан коьрта меттехь лаьтташ. Читать дальше...
Герз диттина виъ стаг вийна Туркойчоьнан къилбаседа-малхбузехь Османгази университетехь. Цунах лаьцна хаам бина меттигерчу Анатолин агенталло. Дийцарехь, университехь Iиламанан талламча болх бечу стага вийна деканан гIоьнча а, факултетан секретар а, хьехархо а, кхин а цхьана факултетан белхахо а. Полицино лаьцна бехкениг.
Оьрсийчоьнан тIеман ницкъийн Коьртачу талламан урхаллана (ГРУ) хетарехь, «Исламан пачхьалкх» тобан лидер ал-БагIдади Абу-Бакр лечкъина хила там бу Иракъехь. Цунах лаьцна "Интерфакс" агенталле хаам бина еарин дийнахь цу урхаллан хьаькамо вице-адмирало Костюков Игора. Костюковс дийцарехь, БагIдади Иракъехь лечкъина хила мега шву, амма иза волу меттиг хууш яц. Стохка Оьрсийчоьнан тIеман министралло чIгIдора, Шемахь Оьрсийчоьнан тIеман кеманаш тохарш дича иза вийна бохуш. Пентагоно цу хенахь БагIдади вийна бохург тIе ца чIагIдира.
Немцойн ХIамбург гIалахь кху деношкахь дIахьош ду Кавказерчу къаьмнийн културан кIира. Цу гIалахь даханчу шарахь схьайиллинчу Европехь уггаре а яккхийчарех йолчу Elbphilarmonie филармонехь концерташ гойтуш бу Кавказера исбаьхьалхой. Гуьржехара а, Эрмалойчуьра а, Азербайджанера а эшаршлакхархой а, мукъамчаш а, кинорежиссерш а гулбелла ХIамбургехь. Царна юккъехь ю ПIаьнгаза чIожерчу нохчийн эшаршлакхархойн „Ломан аьзнаш“ тоба а.
Гуьржийчоьнан малхбузехь Ткибулера шахта такхар бахьана долуш, вийна 6 кIорабаккхархо, кхоъ лазийна ву. Цунах лаьцна дуьйцуш ду Гуьржийчоьнан чоьхьарчу гIуллакхийн министралло бинчу хаамехь. Бохам хилла Тбилисина 200 километр йолчу рудникехь. Цигарчу шахтах пайда оьцуш ю "Сахнахшири" цIе йолу гуьржийн компани. 2011-чу шарахь дуьйна, цхьацца бохамаш а хилла, цигахь кхелхина иттаннаш кIорабаккхархой.
35 шарахь дихкина хиллачул тIаьхьа бахархошна кино гайта бакъо елла СаIудийн Iаьрбийн пачхьалкхехь. Хьалхара юкъараллан кинотеатр болх бан йолалур ю Эр-Риядехь Охан-беттан 18-чохь. Оцу дийнахь керлачу кинотеатрехь гойтур ю Куглер Райана яьккхина «Iаьржа пантера» филм. Цунах лаьцна хаам бина Reuters агенталло. Кинош гойту а, смукъадоккху а меттигаш дIакъевлинера СаIудийн пачхьалкхехь 20-чу бIешаран 1980-чу шерашкахь, уьш латтор къилахь ду аьлла. Стохка ГIадужу-бутт болалуш паччахьо Салмана... Читать дальше...
Еарин Iуьйранна сатоссуш жима машенаш а, некъахойн автобусаш а яьхкинера Iамеркан Москох йолчу векалаллан керта. ТIаьхьо транспортан коврано йитина Цхьаьнатоьхначу Штатийн дипломатин миссин керт. Зазадоккху-беттан 26-чу дийнахь Iамерко а, кхин а цхьамогIа пачхьалкхаша а дIахьедар дира, шаьш Оьрсийчоьнан дипломаташ арабоху шайн мехкашкара, Британехь талламан сервисийн шалгIа агент хиллачу Скрипал Сергейна дIаьвшен тIелатар дина хиларна, Лондонан тIехIуьттуш аьлла. Оьрсийчоьно дуьхьал цу кеппара гIулчаш йохуш ю. Читать дальше...
