Politiet i Georgia bruker tåregass og gummikuler mot EU-positive demonstrantar ved parlamentet, melder Reuters.
Tusenvis har samla seg for å vise misnøye med eit lovforslag som pålegg medium og organisasjonar å registrere seg som «utanlandske agentar» dersom meir enn 20 prosent av finansieringa kjem frå utlandet.
Motstandarar meiner lova er autoritær og inspirert av russisk styresett. EU har åtvara Georgia mot at lova kan få konsekvensar for EU-søknaden deira.
