Չեխիայի Հանրապետության Պրահա քաղաքում երեք օր կանցկացվեն հայկական մշակույթի օրեր։ Մայիսի 24-26-ը Պրահայի տարբեր հատվածներում կանցկացվեն տարբեր միջոցառումներ։ Հայ ավանդական հագուստ, հայ ժամանակակից նկարիչների կտավներ, հայ ժողովրդական երգի համերգ. մշակութային օրերի ծրագիրն այսքանով չի սահմանափակվում։ «Արմենպրես»-ի հաղորդմամբ՝ «Հայկական տարազ և գեղանկարներ» խորագրով ցուցադրության ընթացքում մայիսի 25-26-ը «Dům národnostních menšin» (Ազգային փոքրամասնությունների տուն) հանրությանը կներկայացվեն Տերյան […]
The post Չեխիայում կանցկացվեն հայկական մշակույթի օրեր first appeared on MediaLab Newsroom-Laboratory.
Չեխիայի Հանրապետության Պրահա քաղաքում երեք օր կանցկացվեն հայկական մշակույթի օրեր։ Մայիսի 24-26-ը Պրահայի տարբեր հատվածներում կանցկացվեն տարբեր միջոցառումներ։ Հայ ավանդական հագուստ, հայ ժամանակակից նկարիչների կտավներ, հայ ժողովրդական երգի համերգ. մշակութային օրերի ծրագիրն այսքանով չի սահմանափակվում։
«Արմենպրես»-ի հաղորդմամբ՝ «Հայկական տարազ և գեղանկարներ» խորագրով ցուցադրության ընթացքում մայիսի 25-26-ը «Dům národnostních menšin» (Ազգային փոքրամասնությունների տուն) հանրությանը կներկայացվեն Տերյան մշակութային կենտրոնի նմուշները։ «ArtInsigt» հարթակի հետ համագործակցությամբ կներկայացվեն հայ նկարիչներ Հրաչյա Վարդանյանի, Կարեն Բարսեղյանի, Հարություն Կարապետյանի, Կարեն Պետրոսյանի, Գևորգ Սարգսյանի (Ճալա/ Djala), Վահագն Համալբաշյանի, Լևոն Ֆլջյանի, Գագիկ Չթչյանի, ինչպես նաև Մոկո Խաչատրյանի և Հրանտ Հարությունյանի նկարները։
Օրերի շրջանակում մայիսի 26-ին Պրահայի Հայ առաքելական եկեղեցում կկայանա համերգ, որին հանդես կգա սոպրանո Վարինե Մկրտչյանը։ Կանցկացվեն նաև դասախոսություններ հայ մշակույթի տարբեր տարրերի թեմաներով։ Մայիսի 25-ին Ֆրանսիական ինստիտուտի տարածքում կցուցադրվի Սերգեյ Փարաջանովի «Նռան գույնը» ֆիլմը։
Տոնական միջոցառումները նախաձեռնել է հայ-չեխական «ČARM» կազմակերպությունը, որն ակտիվ գործունեություն է իրականացնում հայ մշակույթը Չեխիայում տարածելու ուղղությամբ։
«Մեր երկրի համար այս դժվարին ժամանակներում մենք փորձում ենք մշակույթի միջոցով սևեռել Եվրոպայի ուշադրությունը մեր երկրի վրա։ Այդ փաստը հաշվի առնելով՝ որոշեցինք հանդես գալ հայկական մշակույթը չեխ հանդիսատեսին ներկայացնելու նախաձեռնությամբ։ Արդեն հասցրել ենք իրականացնել մի շարք ծրագրեր։ Այժմ հերթը մշակույթի օրերի անցկացմանն է։ Այս օրերի ընթացքում մենք կներկայացնենք հայկական մշակույթի ներկապնակի մի փոքր հատված միայն, որն անտարբեր չի թողնի արտերկրի հանդիսատեսին»,-նշում է հայ-չեխական «ČARM» կազմակերպության հիմնադիր տնօրեն Բելլա Կնյազչյանը։
The post Չեխիայում կանցկացվեն հայկական մշակույթի օրեր first appeared on MediaLab Newsroom-Laboratory.
