په سوات کوکارۍ سیمه کې د یوه سرکاري سکول له مشر استاد محمد صدیق نه ماشومان خوشاله دي ځکه هغه ورته د زده کړو ترڅنګ د لوبو شیان، کتابونه او قلمونه هم ورکوي. د نوموړي د ښې رویې له وجې سکول ته د ماشومانو د ورتګ شمېر زیات شوی دی.
محمد صدیق وایي چې که استاد د شاګردانو له وهلو ډډه وکړي او په روڼ تندي، مینه او ښه سلوک ورسره خبرې وکړي، نو ماشومان ښه زده کړه کوي او په زده کړو کې زیاته لیوالتیا ښيي. د دې ښوونکي چلند او تعلیمي تګلارې د سیمهییزو خلکو او زدهکوونکو په منځ کې مثبت اغېز کړی دی چې د ویډیویي رپورټ له لارې ښودل شوی.
