Ukraina prezidenti Petro Poroşenko, Ukraina prezidentiniñ Qırım Muhtar Cumhuriyetindeki daimiy vekili vazifesinden Boris Babinni çıqardı. Böyle vesiqa 2018 senesi dekabr 2-sinde Ukraina prezidenti saytında yerleştirildi. Babin öz Facebook saifesinde Poroşenkonıñ qararına cevapnı derc etti: “Yaqınlarımnı ve bu on beş ay devamında yanımda olğan adamlarğa sabır ve çıdam içün minnetdarım. Qalğanları - qiymetli tecribe içün sağ oluñız. Ebet, Qırımnı işğalden qurtarmaq içün küreş toqtamay, iş er keske yeter”, - yazdı Babin. Читать дальше...
Rusiye mahkemesi “Hizb ut-Tahrir davası”nıñ Aqmescit taqımınıñ iştirakçilerine 2019 senesi fevral 27-sinece apis müddetini uzattı. Daa evel advokatlar, qabaatlav hulâsasınıñ añlayışlı olmağanından sebep davanı prokurorğa qaytaruv şefaatını berdi, amma onı red ettiler. Bu oturışnıñ neticesinde Aqmescit taqımınıñ Rostov-na-Donu seeriniñ SİZOsına etap etilmesi aqqında qarar alındı. Nevbetteki mahkeme oturışı 2018 senesi dekabr 14-ünde keçirilecek. (Video - Qırım birdemligi)
Qırımtatar faalleri esir alınıp «Lefortovo» SİZOsında tutulğan Ukraina deñiz askerlerine yarımadada toplanğan urba ve aşnı bermek içün dekabrniñ 3-nde Moskvağa keldi. Bu aqta qırımtatar milliy areketiniñ faali Nariman Celâl tarif etti. Noyabrniñ 27-nde faaller FSB tarafından zapt etilgen Ukraina deñiz askerleri içün Qırımda para toplanğanını ilân etti. Daa soñra faaller bir qaç kün içinde 265 rubleden çoq (113 biñ ğrıvnâ – QA) toplanğanını bildirdi.
Dekabr 3-ünde Aqyarda şeer merkezi ve şimal tarafınıñ arasında parom yürmey. Bu aqta Qırım.Aqiqat muhbirine Aqyar deñiz limanınıñ (ADL) hadimleri haber etti. Olar aytqanına köre, “Admiral İstomin” yük-yolcu paromı noyabr 30-ında, cuma kününde yürmey, sebeplerini aydınlatmadılar. Dekabr 3-ünde “Admiral İstomin” paromı Aqyar şimal tarafta ADL iskelesinde tura edi. Aynı vaqıtta, ADL resmiy saytında, dekabr 1-inde parom ava şaraiti sebebinden yürmegeni bildirile.
Dekabr 3-ünde qırımtatar Milliy Meclis azası. Qırımtatar halqınıñ aqlarını qorçalav komitetiniñ reisi Eskender Bariyev, ilhaq etilgen Qırımda yaşağan doğmuşlarını FSB hadimleri sorğuğa çekkenini bildirdi. Bariyevniñ aytqanına köre, FSB onıñ 85 yaşlı babasına ve eki tatasına keldi. “Tuvğanlarımı tiymeñiz, olarnıñ menim faaliyetime ve noqta-i nazarıma iç bir alâqası yoq. Men gizlenmeyim. Men areketlerimni açıq yapam. Kyivde yasayım. Men öz baqışlarımnı, Qırımda işğalci akimiyet insan aqlarını bozğanı aqqında açıq... Читать дальше...
Ukraina prezidenti Petro Poroşenko, Ukraina ve Rusiye arasındaki dostluq, işbirlik ve ortaqlıq Muqavelisni üzmek içün qanun leyhasını Yuqarı Radağa kirseti. Parlament saytınıñ beyanatında, prezident “acele” kibi belgilegen qanun leyhası dekabr 3-ünde parlamaentke kirsetilgeni yazılğan. Qanun leyhasınıñ metni şimdilik açıqlanmay. Sentâbrde Kyiv Moskovağa dostluq muqavelesiniñ devam ettirmekni red etkeni aqqında nota yolladı. Rusiye Tış İşler Nazirliginde, Ukrainanıñ muqaveleni devam ettirmekniñ red etüvini “yıqıcı adımlar” dep adlandırdı. Читать дальше...
Ukraina prezidenti Petro Poroşenko, Ukraina ve Rusiye arasındaki dostluq, işbirlik ve ortaqlıq Muqavelisni üzmek içün qanun leyhasını Yuqarı Radağa teklif etti. Parlament saytınıñ beyanatında, prezident “acele” kibi belgilegen qanun leyhası dekabr 3-ünde parlamaentke kirsetilgeni yazılğan. Qanun leyhasınıñ metni şimdilik açıqlanmay. Sentâbrde Kyiv Moskovağa dostluq muqavelesiniñ devam ettirmekni red etkeni aqqında nota yolladı. Rusiye Tış İşler Nazirliginde, Ukrainanıñ muqaveleni devam ettirmekniñ... Читать дальше...
Dekabrniñ 3-ünde Aqmescit ava limanında Rusiye şeerleri Moskova ve Soçige uçuşlar ve Soçi, Anapa ve Moskovadan reysler keç qala. Bu aqta ava limanınıñ saytındaki cedvel bildire. Uçuşlar yaramay ava şaraitleri, hususan, tuman sebebinden keçke qala dep ava limanınıñ matbuat hızmetine esaslanıp Qırım habercileri bildire. Ava limanınıñ saytında şimdilik keç qaluv sebepleri aqqında malümat yoq. 2014 senesi mart ayında Rusiye Qırımnı işğal etkeninden soñ, Ukraina akimiyeti qararınen Qırım ava limanları qapatılğan edi. Читать дальше...
Kremlniñ bildirgenine köre, Rusiye prezidenti Vladimir Putin yaqın vaqıtta Ukraina prezidenti Petro Poroşenko ile Ukraina deñizcileriniñ azat etilmesi ve diger meselelerni muzakere etmege planlaştırmay, dep haber ete Radio Svoboda. «Şunı ayta bilem ki, adiseden soñ Putin ve Poroşenko telefonda laf etmediler ve, bilgenime köre, ileri künlerde de böyle bir subet planlaştırılmay», – dedi Rusiye prezidentiniñ matbuat kâtibi Dmitriy Peskov. Kreml vekili norman formatında (Almaniya, Rusiye, Ukraina... Читать дальше...
Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Bu aqta advokat Nikolay Polozov Facebookta yazdı. Onıñ bildirgenine köre, tahqiqatçınıñ kim olğanı belli degil ve dava malümatları mahkemege berildimi malümat daa yoq. «Saba SİZO yolbaşçısına ariza berip, mabüs Denis Gritsenkoğa kirmege izin berilmesini istedim. Sistema bir taraftan çalışa. Vesiqalar pencerege berile. Telefon etip qararnı bildire bileler... Читать дальше...
Ukraina prezidenti Petro Poroşenko Rusiyeden Qırım yalısı yanında zapt etilgen Ukraina deñizcileri ve gemilerini acele azat etmesini talap ete. Bu aqta o, Kyivde keçirilgen «İnsan aqları beyannamesiniñ 70 yılı: Ukrainanıñ kün tertibi» forumında bildirdi. «Al-azırda men, prezident olaraq, insan aqları vekâletlisi Lüdmila Denisova, Yuqarı Rada, Ukraina ükümeti bütün dünyanı bu mesele etrafında birleştirip, Ukraina askerleriniñ azat etilmesi içün elimizden kelgenini yapamız», – dedi Poroşenko. Onıñ qayd etkenine köre... Читать дальше...
Ukraina prezidenti Petro Poroşenko Kyivde keçirilgen «İnsan aqları beyannamesiniñ 70 yılı: Ukrainanıñ kün tertibi» forumında çıqışta bulunıp, Qırımda insan aqları vaziyeti daa beter ola, dedi. «Qırımdaki insan aqları vaziyetini aytacaq olsaq – zulum, uquqsızlıq ve bütünley askeriyleştirüv… Bir halq – qırımtatarlar – yoq etile. İşğalci akimiyet Stalinniñ yapamağanını yapa – Meclisni ekstremist teşkilât olaraq ilân etip liderlerini yoq ete ve kimliklerini yoq ete, Qırımnıñ tamır halqını Rusiye qazanında iritecek ola», – dedi Poroşenko. Читать дальше...
Qırım işğal etilmezden evel Canköy tren stantsiyası Qırımnıñ eñ qızğın soylarından biri edi. Anda Qırım yarımadasınıñ şeerlerini esas Ukraina ile bağlağan yük ve yolcu naqliyat merkezi bar edi. İşğal etilgen Qırımğa trenler qatnamayıp başlağan soñ Canköy merkez degil. Vokzalda insanlar pek az, trenler de öyle. Şeerde de insanlar çoq degil – raatlıq künleri bile. Qırım.Aqiqat mühbiri Canköyge barıp, eskiden «Qırım qapusı» sayılğan şeerniñ yaşayışını kördi.
Qırımtatar faalleri zapt etilip «Lefortovo» SİZOsında tutulğan Ukraina deñizcilerine yarımadada toplanğan urba ve aşayt mallarını ketirdi. Bu aqta qırımtatar milliy areketiniñ faali Nariman Celâl bildirdi. «Dostlarımıznen beraber, ateşköz ve cesür insanlarnen, Qırımda toplanğan eşya, urba, aşayt mallarını ketirmek içün boynumızğa mesüliyet aldıq. Moskvadaki dostlarımıznıñ yardımınen olarğa (Ukraina deñizcilerine – QA) bermege qarar aldıq, şeñ olmağan bir yerde özüni raat is etsinler», – dedi faal. Читать дальше...
Sankt-Peterburgnıñ Nevskiy caddesinde dekabrniñ 2-nde Rusiyeniñ Ukrainağa qarşı istilâsına qarşı, şu cümleden Rusiye tarafından Keriç boğazında zapt etilgen Ukraina deñiz askerlerine qoltutuv aktsiyaları olıp keçti, dep yaza Radio Svobodanıñ rus hızmeti. Aktsiyada 50-ge yaqın insan iştirak etti. Aktsiyalarnıñ teşkilâtçısı, «Solidarnost» Peterburg demokratik teşkilâtınıñ faali Olga Smirnovanıñ fikirince, Ukraina deñizcileriniñ zapt etilmesi Rusiyeniñ işğal etken Ukraina topraqlarınıñ alanını arttırmaq ıntıluvı ola. Читать дальше...
«Qırım birdemligi» teşebbüsiniñ er ay keçirilgen toplaşuvınlarına tek faaller, mabüslerniñ aqrabaları ve advokatlar kelmey, balalar da kele