Fevralniñ 26-nda Kyivniñ Mustaqillik Meydanında, Rusiye ilhaq etken yarımadada yaşağan qırımlılarnen birdemlik mitingi ötkerildi
Qırımtatarlarnıñ lideri, Ukraina halq deputatı Mustafa Cemilev yarımada azat etilmegence Kyivniñ, Qırım ükümeti qurması manasız dep saya. Bu aqta Cemilev fevralniñ 26-nda 5 Kanal, Qırım.Aqiqat, QHA (Qırım haber ajansı) ve Radio Hayatnıñ ötkergen – «4 yıllıq tirenüv» adlı ortaq marafon efirinde beyan etti. «Ukraina (yarımada – QA) azat etilmeden teşkil etmesi uyğun olmağan şeyler bar. Meselâ, Qırımnı temsil etecek deputatlar o yerde saylânmaq kerek. Qırım MC ya da Qırım muhtariyetiniñ ükümeti de tizilmez, çünki onı parlament deputatları tize. Читать дальше...
Resmiy Berlin Qırımnıñ Rusiye tarafından ilhaq etilgenini tanımay, çünki bu halqara uquqqa zıt kele, dep haber ete fevralniñ 26-nda Ukrainadaki Almaniya elçihanesi Twitterde. «Almaniyanıñ pozitsiyası olğanı kibi, şimdi ve kelecekte de aynı olıp qalacaq yani: Qırım- Ukraina toprağı. Almaniya Qırımnıñ Rusiye tarafından ilhaq etilgenini tanımay, çünki bu halqara uquqqa zıt kele», – denilmekte haberde. Fevralniñ 26-nda Ukraina ile bütün dünyada qırımlılarğa qol tutmaq maqsadınen devletniñ topraq bütünliginen bağlı aktsiya... Читать дальше...
ABD Ukrainadaki elçihanesi, Qırımnıñ ilhaqını ömürlik tanılmaycağı ve Ukraina suverenitetinen, topraq bütünligine er vaqıt qol tutalacağı aqqında beyan ete. «Dört yıl evelsi bu künü (fevralnin 26-nda – QA) Rusiye Qırımdaki Ukraina parlamentini zapt etti. Biz Qırımnıñ qanunsız ilhaqını ömürlik tanımammız ve sarsılmadan Ukrainanıñ suverenitetinen, topraq bütünligine er vaqıt qol tutarmız», – denilmekte elçhaneniñ Twitterdeki haberinde. Diplomatik temsilcilik «Qırım – Ukraina toprağı» olğanını qayd etti. Читать дальше...
Rusiyeniñ Kyivdeki elçihanesi qarşısında, ukrain siyasiy mabuslarına destek bildirmek içün, fevralniñ 26-nda «Kremlniñ mabuslarına 26 daqqa» aktsiyası ötkerildi
Qırımda QMC Yuqarı Radasınıñ binası yanındaki 2014 senesi fevral 26 mitinginde Rusiye tarafını tutqan faaliyetçilerniñ saflarında Rusiye arbiy hadimleri buluna edi. Bunı QMC prokurorı Gündüz Mamedov, bu vaqialarnıñ tahqiqat etilüvi ketişatını bildirgende söyledi. QMC Prokuraturasınıñ matbuat hizmeti, muessisede Yuqarı Radanıñ divarları altındaki vaqialarnıñ ketişatı daqiqa daqiqasına tayin etidi, dep bildire. Muhtariyetniñ prokurorı: «Yarımadanı Ukrainadan ayrmaq şiarları altında turıp, Rusiyege qol tutqan faaliyetçilerniñ tarafında... Читать дальше...
Herson vilâyetiniñ Geniçesk rayonında fevral 26-da «Qırımnıñ Rusiye tarafından işğaline qarşı muqavemet künü» çerçivesinde tedbirler ötkerile. Memuriy sıñır yanında avtomobillerle yapılğan numayış keçti. Onda Ukrainanıñ qıtadaki qısmı ve ilhaq etilgen Qırım sakinleri iştirak etti. Ukrainada fevral 26 kününi, Qırımnıñ Rusiye işğaline qarşı muqavemet künü olaraq tayin etmek teklif eteler. 2014 senesinde bu künde Qırım Yuqarı Radasınıñ binası ögünde Ukrainanıñ topraq bütünligine qol tutmaq maqsadınen miting ötkerildi. Читать дальше...
Ukraina halq deputatı, Qırımtatar Milliy Meclisiniñ reisi Refat Çubarov, Qırımnıñ azat etilmesi içün halqara sanktsiyalar yetersiz dep saya. Bu aqta Çubarov «Zapt etilgen yarımada: 4 yıllıq tirenüv» adlı halqara forum çerçivesinde söz yürsetti, dep haber ete Qırım.Aqiqat muhbiri. «Rusiyeniñ Ukrainağa qarşı yapqan tecavuzını toqtatmaq içün, oña qarşı kirsetilgen sanktsiyalar yetersiz. Onıñ içün biz dünya ükümetleriniñ esas bir vazifesi, daa doğrusı olardan rica etilecek bir şey olaraq – Rusiyege qarşı sistematik basqı yapğanlarıdır... Читать дальше...
Ukrainanıñ baş naziri Volodımır Groysman «Qırımnıñ Rusiye işğaline qarşı tirenüv kününde», fevralniñ 26-sında keçken vaqialar, Qırım sakinleriniñ ömürini «evel» ve «soñra» degen sözlernen ayırğanını beyan etti. «Dört yıl evel Qırım yarımadası rusiyeli ordu tarafından işğal etilip başladı. Bu kün Qırım sakinleriniñ ömürini «evel» ve «soñra» degen sözlernen ayırdı. Biñlernen İnsanlar evlerini terk etmege mecbur qaldılar, çünki Qırımnı başqa bir devletniñ bayrağı altında körmege istemey ediler», – denilmekte baş nazirniñ Facebooktaki haberinde. Читать дальше...
Ukrainada fevralniñ 26-sı, bazaertesi künü, cemaatçılıqnıñ teşebbüsinen «Qırımnıñ Rusiye işğaline qarşı tirenüv künü» olaraq qayd etile. 2014 senesi bu künü Qırım Yuqarı Şurasınıñ binası ögünde Ukraina torpaq bütünligine bağışlanğan miting ötkerilgen edi. O zaman miting iştirakçilerine Rusiye tarafdarı olğan faaller, şu cümleden «Rus birligi» firqasınıñ vekilleri qarşı çıqqan edi. Daa evel Ukraina informatsion siyaseti Nazirligi bu künniñ resmiy dep tanılmasınen oğraşqanı ve bunen alâqalı ferman... Читать дальше...
Ukrainanıñ Avropa Şurasındaki daimiy temsilcisi Dmıtro Kuleba, ilhaq etilgen Qırımda keçirilecek Rusiye prezidentiniñ saylâvları halqara cemaatçılıq tarafından tanılmaycaq dep saya. Bu aqta Kuleba «112 Ukraina» televizion kanalınıñ efirinde ayttı. «Ukrain diplomatiyası kanalından artıq kerek avalelerniñ episi yollanıldı, şu cümleden, men Strasburg elçisi olaraq, Qırımda keçecek saylâvlarnı kimse tanımaması ve olar qanuniy dep sayılmaması içün atılacaq adımlarğa dair soylârını teslim aldım», – dedi Kuleba. Читать дальше...
«Aqmescit» avalimanınıñ yañı terminalında namaz qılınacaq oda ve abdesthane azırlanmaqta. Bu aqta Qırım ve Aqyar musulmanları diniy idaresiniñ (QAMDİ) matbuat hızmeti haber etmekte. QADMİ temsilcileri mahsus odalarnı közden keçirip, Qıblanıñ yönelişini tayin etti. «Ondan da ğayrı, taraflar ibadethaniñ qadın ve erkeklerge ayırılacaq qısımlarını, mebel, ayaqyolnen abdestahaneniñ donatıluvı ve terminal zalındaki oq işaretleri yerleştirüv meselelerini muzakere ettiler», – dep haber ete matbuat hızmeti. Читать дальше...