Фирдүс Тямаев Ришат Төхвәтуллинга кыен хәлдән чыгарга ярдәм иткән
Гастроль тормышының тамашачы күрми торган яклары бик күп. Аеруча быелгы карлы-буранлы кыш көнендә җырчыларга кайбер ерак шәһәрләргә мең бәла аша үтеп барырга туры килә. Җырчы Ришат Төхвәтуллин да үз сторисларында шул хакта сөйләгән. Казан уртасында машиналары батып калып, аларга гастрольгә соң гына чыгып китә алган. Җырчыга дусты Фирдүс Тямаев ярдәмгә килгән.
Бүген Уфага концертка чыгарга кирәк иде. 3 сәгать инде менә китә алмыйбыз, баттык. Шалтыратып, Фирдүсне уятырга туры килде. Килеп, безне буксирга алып, көчкә чыктык. Коточкыч юллар, ишегалларын чистартмыйлар, – дип сөйли бу хакта Ришат.
Нәтиҗәдә, төнге уникедә юлда булырга тиешле артистлар, гастрольләргә иртәнге алтыда гына кузгала алган.