Казанда автобустан ике кеше егылып төшкән
Казанда бер ир-ат автобустан егылып төшкән һәм аның белән бергә кереп барган кыз да юлга егылган. Бу турыда «Татар-информ» яза.
Дәүләт автоинспекциясе мәгълүматлары буенча, әлеге хәл бүген иртән булган. Автобуска утырган чакта салон эчендәге ир-ат ишекләр ябылуга комачауларга маташа һәм юлга егылып төшә. Шул мизгелдә керү урынында торган кыз да егыла.
Юл хәрәкәте иминлеге инспекциясе хезмәткәрләре юлчыларга сәфәр вакытында җәрәхәтләрдән саклану өчен тоткычларга ныклап тотыну кирәклеген искәртә.