Мәсәгүт авылында ир белән хатынны үтергәннәр
Башкортстанның Дуван районындагы Мәсәгүт авылында әбисе белән бабасын үтерүдә шикләнеп, 21 яшьлек егетне эзлиләр. Бу турыда РЕН ТВ яза.
Ир белән хатынның мәетен 7 июньдә Мәсәгүт авылындагы өйдә табалар.
«76 яшьлек ир-ат һәм аның 64 яшьлек хатыны пычак белән кадап үтерелгән», – дигән канал чыганагы.
Бу кешеләрне берничә көн элек үтергәннәр. Пенсионерлар шалтыратуга җавап бирми башлагач, туганнары чаң суга. Тикшерү барышында фатирда мәетләр табыла.
5 июньдә хокук саклаучылар мәрхүм ир-атның машинасын Пермь краенда трасса кырыенда тапкан булган.
Җинаятьне мәрхүмнәрнең 21 яшьлек оныгы кылган дип шикләнәләр, диелә хәбәрдә.