Татарстанның халык артисты Гүзәл Уразова татар киленнәренә 3 төп киңәшне биргән, дөресрәге 3 төп «тиеш».
«Татар килене, иң беренче чиратта, үзенең ирен яратырга тиеш. Икенче чиратта, нык тәмле итеп ашарга пешерергә тиеш. Өченче чиратта, күп сөйләнмәскә тиеш», – дип сөйли артист видеода.
Бу киңәшләргә карата язылучылары төрле комментарийлар язып калдырган. «Хатын-кыз беркемгә, берни тиеш түгел», «Беренче чиратта хатын-кыз бәхетле булырга тиеш» дигән фикерләр еш очрый.
«Күп сөйләнмичә булмый, әмма ашарга тәмле пешерәм һәм иремне яратам», – дип язган Лилия исемле язылучысы.
«Дөрес әйтәсез, кызганыч, хәзер андый киленнәр сирәк. Тыйнаклык бетә башлады», – дигән Илнар Баязитов. Аңа җавап итеп «Эзләгән – табар, ди», – дип комментарий калдырган Уразова.
