31 декабрьдә Парижда «мәче-хатын» буларак билгеле модель, пластик операцияләр белән мавыккан Джослин Вильденштейн вафат булган. Бу хакта «Московский комсомолец» басмасы хәбәр итә.
Аңа 84 яшь булган. «Paris Match» мәгълүматлары буенча, үлем сәбәбе – үпкә артериясенең тромбоэмболиясе. «Мәче-хатын» кушаматын ул пластик хирургия белән артык мавыгуы аркасында алган. Джоселин миллиардер һәм арт-директор Алек Вильденштейнда кияүдә була. 1999 елда аларның аерылышуы шау-шулы вакыйга була. Нәтиҗәдә Джослин баш тарткан өчен рекордлы сумма ала: берьюлы 2,5 миллиард доллар һәм 13 ел дәвамында ел саен 100 миллион доллар.
Вильденштейн 4 миллион долларын күпсанлы пластик операцияләргә сарыф иткән. Ул мәчегә охшаган образ тудырырга омтыла. 70нче елларда операцияләрнең берсеннән соң аның күзләре үзенең селәүсененеке кебек булып кала. Селәүсенне ул йорт хайваны буларак тоткан.
Джоселин күп операцияләр ясавын кире какса да, массакүләм мәгълүмат чаралары раслаганча, аның сүзләре инде җитди кабул ителмәгән. Тора-бара аның йөзе танымаслык була.
2018 елда Вильденштейн банкротлык турында игълан итә, счетларым буш, дип белдерә.
