Җырчы Рифат Зарипов, Камал театрына баргач, сәхнәдәш дусты Гүзәл Уразованы очраткан.
«Матур итеп спектакль карап утыра идем. Берзаман бөтен кеше, өерелеп, карточка төшәргә бара башлады. Мине узып китеп кем белән төшәләр икән, дисәм, Гүзәл Уразова утыра икән», – дип, җырчыны үзенең социаль челтәрләрендә күрсәтә Рифат.
«Әйе, матур итеп спектакль карап утырабыз, – дип кушыла аңа Гүзәл. – «Ситса туй»га килдем. Бер 10 ел спектакль караганым юк иде», – дип, театрларга йөрмәгәнлеген дә яшереп тормый.
«Менә шул сорауны бирмәкче идем. Айда 30 көн, ә син 45 көн концерт куясың. Спектакльгә дә йөрергә ничек вакыт табасың?» – дип сорый аннан Рифат.
«Бик барасым килгән иде. Дус кызым Рәмзия «әйдә, барыйк әле, билетларым бар» дигәч, көне дә туры килде, дип ризалаштым», – ди Гүзәл
«Аллаһка шөкер, күрештек. Әле тагын кайда очрашыр идек», – дип, шәп спектакльгә эләккәннәренә генә түгел, күңелле очрашуга да сөенешкән ике артист.
