Казан аэропорты тагын ябылды. Дрон һөҗүме куркынычы булу сәбәпле, очып китәргә тиешле 10 рейс, безнең һава аланы кабул итәргә тиешле 12 рейс тоткарлана.
Томск, Сургут һәм Кемереводан Казанга килергә тиешле рейслар Бегиш һава аланына төшеп туктаган.
Казан аэропорты 21, 25, 27 декабрьләрдә ябылган иде. Шимбә көнне Казанга дрон һөҗүме булды, шәһәрдәге сәнәгать предприятиеләренә һәм торак йортларга дроннар һөҗүм итте. Сәнәгать предприятиеләренә пилотсыз очкычлар зыян сала алмады. «Лазурные берега», «Манхеттэн» торак комплексларына һәм Цеткин урамындагы торак йортка дроннар бәрелеп шартлап зыян салды.
25 декабрьдә Россиянең 5 өлкәсенә дрон һөҗүме булганлыгы ачыкланды. Белгород, Воронеж, Курск, Брянск, Тамбов өлкәләренә һөҗүмнәр булган.
27 декабрьдә 13 дрон бәреп төшерелүе билгеле булды. Дроннар Брянск, Курск, Белгород, Тула, Әстерхан өлкәләрендә булган.
