Владикавказда «Алания Молл»сәүдә үзәгендә шартлау булган. Бинадагы бик күп тәрәзәләр ватылган, төтен чыга. SHOT Телеграм-каналы мәгълүматлары буенча, бинаның дүртенче катында көнкүреш газы шартлаган.
Шаһитлар бинаның өске катындагы янгын турында хәбәр итә.
Якынча мәгълүматлар буенча, «Алания Молл» сәүдә үзәгендә шартлау сәбәбе –баллоннан газ чыгу. Бинага газ кертелмәгән булган.
Якынча мәгълүматлар буенча, бинада бер фуд-кортта түшәм тарттыру эшләре барган һәм анда берничә газ баллоны була. Шуларның берсеннән газ чыгып утыру аркасында шартлау була.
Ут 900 квадрат метр мәйданны чолгап алган инде. Шәһәрнең барлык ашыгыч хезмәтләре эшли.
SHOT мәгълүматлары 57 яшьлек җыештыручы хатын Ида Ч. үлгән, 13 кеше зыян күргән.
Хәзер Гадәттән тыш хәлләр министрлыгы хезмәткәрләре хәрабәләрне аралый.
Соңрак Осетиядә кабат шартлау булды. SHOT мәгълүматлары буенча, БПЛА Владикавказдагы Осетинская Горка урамындагы телевышкага бәрелмәкче булган.
Зыян күрүчеләр турында мәгълүмат ачыклана.
