АКШның Оклохома штатында яшәүче хатын караваттагы мендәрдә агрессив елан тапкан. Елан бу хатынны чаккан. Бу турыда «Лента.ру» яза.
Донна Братчун исемле хатын сүзләренчә, ул мендәрне күпертергә җыена. Шул чакта кулына ниндидер очлы әйбер кадала. Хатын мендәрне ыргыта һәм аның астыннан елан чыга. Хатын шок кичерә, мизгелгә катып кала.
«Өйгә керүе – бер хәл, караватка менеп, мендәр астына яткан бит», – ди ул.
Хатын бераз аңына килгәч, кулына карый һәм елан тешләре эзен күреп ала. Ул ирен чакыра, ире перчатка киеп, еланны тота һәм контейнерга сала. Ул еланның агулы булмавын ачыклый.
Кыргый табигать буенча белгеч Кайла Джоуб сүзләренчә, мондый еланнар кимерүчеләрне һәм агулы рептилияләрне ашый. Алар 2,5 см зурлыктагы тишекләргә керә ала. Кышын елан җылы урын эзли. Джоуб фикеренчә, бу елан чүлмәктәге үсемлекләр белән өйгә кергән булуы ихтимал. Алар урамдагы чүлмәкләрне өйгә алып кереп куйган булган, диелә хәбәрдә.
