Чиләбе өлкәсендә 22 яшьлек хатын йөкле була. Ире дусларына барырга җыенгач, хатын ирен куркытмакчы була. Шул чакта ул тәрәзәдән егылып төшеп үлә. Бу турыда «Комсомольская правда» хәбәр итте.
Гаиләдә җәнҗал фаҗига белән тәмамлана. Күп катлы йорт янында яшь йөкле хатын мәете табыла. Егылганда, ул җитди имгәнгән. Мәет янында 22 яшьлек ире дә ята, ул аңында булмый, ир дә имгәнгән.
Мәрхүмә 24нче атна йөкле булуы билгеле. Фаҗига булыр алдыннан ир белән хатын талаша, хатын ирен дуслары янына җибәрәсе килми. Нияте бик җитди икәненә инандыру өчен, фатир ишеген бикли, ачкычны ала һәм тәрәзә төбенә килеп баса. Шул чакта ул таеп китә, тәрәзә ватыла, һәм хатын егылып төшеп китә.
Ачкыч хатыны кулында төшеп киткәнен аңлаган ир дә сөйгәне артыннан төшеп китә.
Ир белән хатын 3нче каттан егыла, ир җайлырак төшә, ул исән кала, куллары сына. Ә хатын бик каты бәрелә.
Тикшерү эшләре бара.
Ир белән хатын арендага алынган фатирда яши. Ир армиядә хезмәт иткән, өйгә отпускка кайткан. Алар ирнең алдагы отпускы вакытында гына өйләнешкән булган. Гаилә җитеш тормышта яши, беренче баланы да бик көтәләр.
Туганнары һәм дуслары, фаҗига – очраклы хәл, дип саный, диелә хәбәрдә.
