Томск шәһәрендә ватык гирлянда аркасында янгын чыккан. Биредә өй, 2 машина, 50 тавык янып беткән. Бу турыда коткаручыларга сылтама белән «Вести» каналы хәбәр итте.
Фаҗига пәнҗешәмбе иртән була. Якынча белешмә буенча, ут гирляндадан чыга.
Янгын 320 квадрат метр мәйданга тарала, өй дә, каралты-куралар да, андагы 2 җиңел машина да яна. Янгынны 40лап кеше сүндерә, 11 берәмлек техника кулланалар.
Коткаручылар килгәнче, өйдән 5 кеше үзләре чыккан, зыян күрүче кешеләр турында хәбәр ителми.
Гадәттән тыш хәлләр министрлыгында искәрткәнчә, 2 тавыкны коткарганнар, 50 тавык һәлак булган.
