Рафис Кәлимуллин социаль челтәрләргә әнисе Фәүзия ханымның «Кайту» җырын башкарган видеосын куйган. Фәүзия апа Луиза Батыр-Болгари көе, Марсель Галиев сүзләренә язылган «Кайту» җырын башкара. Баянда – Газинур Равилов уйный.
Рафис Кәлимуллин әлеге җырның бүгенге көн өчен дә бик актуаль булуын әйтеп үткән. «Чит җирләргә киткән егетләребез, исән-сау кайтыгыз», – дип яза җырчы.
Соңгы вакытта әнисе Рафиснең концертларында да чыгышлар ясый. Фәүзия ханымның җырлавын һәрвакыт күп алкышлар белән каршылыйлар. Бу юлы да җырчы турында: «Афәрин, бик матур тавышы. Тагын берәр шундый моңлы, матур җыр җырлатыгыз әле», «Вәт тавыш Фәүзия апада», «Күңел кылларына кагыла», – дип, җылы сүзләр язып калдырганнар.
