Алия Карачуринага Ришат Төхвәтуллин искиткеч матур сюрприз ясаган – хатынына әллә ничә бәйләм кып-кызыл роза чәчәкләре бүләк иткән. Чәчәк букетлары шундый күп, алар ярты бүлмәне тутырып тора. «Ришат, шаккатырдың», – дип яза социаль челтәрләрдә бәхеттән балкыган Алия.
Язылучылар да Алиядән ким сөенмәгән бу бүләккә. «Искиткеч, бу чәчәкләр яныннан китеп тә тормыйсыңдыр», «Чынлап торып гашыйк ир-ат кына эшли ала моны», «Миллион роза бардыр монда», «Ришат чын ир-ат икән», – дип язалар һәм аның гел шулай бәхеткә күмелеп яшәвен теләгән алар.
