Intertat.ru

Җырчы Ришат Фазлыйәхмәтовның гаиләсе ишәйгән – Кояш исемле песиләре балалаган.

Гомуми кагыйдә буенча, товарны сатып алганның икенче көненнән башлап, 14 көн дәвамында кире тапшырып була. Техник яктан катлаулы товарлар өчен срок – 15 көн, ә онлайн сатып алган товарлар өчен – 7 көн . Бу хакта Мәскәүнең төбәкара адвокатлар коллегиясе әгъзасы Дмитрий Елисеевка сылтама белән РИА Новости яза.

25 апрельдә Кырлайда, зур реконструкциядән соң, Габдулла Тукайның музей комплексы ачыла. Бу хакта Татарстан Министрлар Кабинеты каршындагы Татарстан Республикасы телләре турындагы законнарны гамәлгә ашыру советы һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитеты утырышында Татарстан Республикасы мәдәният министры Ирада Әюпова хәбәр итте. Бу турыда «Татар-информ» яза.

Бүген КФУның Филология һәм мәдәниятара багланышлар институтында «Татарча диктант – 2026» белем тикшерү акциясе узды. Монда институт студентлары һәм галимнәре, җәмәгать эшлеклеләре һәм актив яшьләр җыелган иде. Катнашучылар Габдулла Тукайның «Бәхет» хикәясен язды. Текстны Татарстанның халык артисты Фәнис Җиһанша укыды.

Татарстанда татар әдәбияты классигы, шагыйрь Габдулла Тукайның тууына 140 ел тулуга багышланган чаралар сериясе дәвам итә. Акциягә Татарстан Дәүләт Советы депутатлары да кушылды, дип яза «Татар-информ».

«Ике учак» җыры тирәсендә купкан гаугага нокта куелганмы? Җырчылар уртак фикергә килә алганмы? Бу хакта «Интертат» язмасында.

Блогер-журналист Фагыйлә Шакирова үзенең сәхифәсендә социаль челтәрләрдәге гаҗәпкә калдырырлык һәм күңеленә тигән күренеш турында үз фикерен җиткерә. Аның сүзләренчә, үзеңнең сәхифәңне популяр итү, «охват»лар җыю өчен сүгенергә кирәк, халык сүгенү сүзләре булган видеолар ярата икән.

Бүген Татарстанда җылы була, дип көтелә, шулай да һава торышы үзгәрүчән булып кала. Бу хакта ТР Гидрометцентры хәбәр итә.

Идел буе Болгар дәүләтендә Ислам динен рәсми кабул итүгә багышланган «Изге Болгар җыены» 17 майда узачак. Ул 2026 елда бәйрәм Казанда 12-17 май көннәрендә узачак «Россия – Ислам дөньясы» XVII халыкара икътисади форумының мәдәни программасына кертелгән. Бу хакта ТР Мәдәният министрлыгы матбугат хезмәте хәбәр итә.

Кама Тамагында 7 авылга бер булган даруханә ябылган. Хәзер халыкка, 45 чакрым ара узып, район үзәгенә йөрергә туры килә. Җитәкчелек даруханә була, дип вәгъдә итә, әмма дару кирәк булган кешеләр өчен аларның сүзе дәва түгел, дип хәбәр итә «ТНВ».