Intertat.ru

Иминлек каешы эләктерелмәгәндә юл һәлакәтендә җитди җәрәхәтләнү куркынычы икеләтә арта. Бу турыда Авто.майл яза.

Менделеевскида 2 бала һәлак булганнан соң, «Таткоммунэнерго» компаниясенең 2 хезмәткәрен кулга алганнар. Бу хакта «Татар-информ» яза.

Рөстәм Миңнеханов халыкара активлык дәрәҗәсе буенча лидер булды. «Минченко консалтинг» тикшеренүендә әйтелгәнчә, Татарстанның халыкара көн тәртибе аерым визитлар белән генә чикләнми, ә системалы һәм даими характерда алып барыла. Бу хакта «Татмедиа» телеграм-каналы яза.

Җырчы Салават Фәтхетдиновның Уфада узган туган көн концертына, үзенә әйтмичә генә, сюрприз ясап, сәхнәдәш дусты Айдар Галимов килгән. Салават Фәтхетдинов концертта инде үзен игълан итәләр дип уйлый, микрофоннар алып, сәхнәгә чыгарга әзерләнә. Әмма аның урынын тиз генә Айдар Галимов ала. Сәхнәгә менгәнче, дустын кочаклап, котларга да өлгерә.

Татарстан Рәисе Рөстәм Миңнеханов, «Россия – Ислам дөньясы» стратегик караш төркеме рәисе буларак, Иранда массакүләм протестлар нәтиҗәсендә һәлак булганнарның туганнары һәм якыннарының кайгысын уртаклашты. Ул Ислам Республикасы Президенты Масуд Пезешкианга хат юллаган. Бу турыда Татарстан Рәисе матбугат хезмәте җитәкчесе Лилия Галимова хәбәр итте.

2026 елның 13 гыйнварына Россиядә банк кертемнәре (вклад) буенча ставкалар түбәнәя башлады. Бу Үзәк банкның төп ставканы 16 процентка кадәр киметүенә җавап булып тора. Бу турыда «Челнинские известия» яза.

Эчке эшләр министрлыгы машина йөртү таныклыгы алу өчен имтихан тапшыру кагыйдәләренә үзгәрешләр кертергә тәкъдим итте. Бу хакта «Парламентская газета»га сылтама белән РИА Новости яза.

Татарстан пенсионерлар күп яши торган Россия төбәкләре арасына кергән: республикада якынча 1,1 млн пенсионер гомер итә. Бу хакта РИА Новостиның рәсми статистика мәгълүматларына сылтама белән «Татар-информ» яза.

Берләшкән авиатөзелеш корпорациясендә («Ростех»ка керә) кадрлар алмашынды. «Туполев» идарәче директоры вазифаларын башкаручы итеп, элек компаниядә икътисад һәм финанслар өчен җаваплы булган Юрий Абросимов билгеләнде. Оператив-тактик авиация филиалы директоры вазифасына Владимир Ефимов билгеләнде. Бу хакта РБКга корпорациягә якын чыганаклар хәбәр иткән, авиатөзелеш корпорациясендә мәгълүматны раслаганнар, дип яза «Татар-информ».

АКШ президенты Дональд Трамп, кирәк дип тапкан очракта, Иранга каршы хәрби көч куллану мөмкин хәл, дип саный. Бу хакта «Fox News» телеканалына интервьюда Ак Йортның матбугат сәркатибе Кэролайн Ливитт хәбәр иткән, дип яза «Татар-информ».