Սահմանից Խզմալյանը Epress.am-ին ասել է, որ վրացի սահմանապահները արգելքի պատճառը չեն բացատրել.․․
The post Հայաստանի Եվրոպական կուսակցության նախագահին թույլ չեն տվել մտնել Վրաաստան first appeared on Epress.am.Հայաստանի Եվրոպական կուսակցության նախագահ Տիգրան Խզմալյանի մուտքը Վրաստան արգելվել է։ Հայաստան-Վրաստան ցամաքային սահմանից Խզմալյանը Epress.am-ին ասել է, որ վրացի սահմանապահները արգելքի պատճառը չեն բացատրել, մի քանի ժամ սպասեցնելուց հետո տեղեկացրել են, որ չի կարող մուտք գործել երկիր․ «Ինձ տվեցին թերթիկ, որում կա նաև որոշումը բողոքարկելու կարգ։ Ես չեմ պատրաստվում սա բողոքարկել, քանի որ պարզ է, որ արգելքը պայմանավորված է Վրաստանում նոր քաղաքական իրավիճակով»։
Բողոքարկումն, ըստ նրա, կարող է ուշադրություն գրավել և վնասել իր վրացի գաղափարակիցներին, ում հետ հանդիպման համար էր գնում Թբիլիսի։ Ֆեյսբուքի իր էջում արևմտամետ քաղգործիչը գրել է․ «Շնորհավոր Ռուսաստանի օրը»։ Նա վստահ է, որ արգելքը քաղաքական է։
Վրաստանում «օտարերկյա ազդեցության օրենքի» դեմ բողոքի ցույցերի ընթացքում Հայաստանի Եվրոպական կուսակցությունն աջակցություն էր հայտնել «հանուն եվրոատլանտիկ ինտեգրացիայի և ժողովրդավարության» պայքարին։ Խզմալյանի կուսակցությունը Հայաստանում պայքարում է հիմնականում ռուսական ազդեցության դեմ և աջակցում արևմտյան քաղաքական կուրսին։
Խզմալյանին վրացիներն առաջին անգամ են արգելում մուտք գործել Վրաստան։ 2022 թվականին էլ Հայաստանի ԱԱԾ-ն էր կանխել նրա ճանապարհորդությունը հարևան երկիր՝ պատճառաբանությամբ, թե 2020 թվականի պատերազմից հետո նա մասնակցել է բողոքի ցույցերի։
Սա առաջին դեպքը չէ, երբ վրացի սահմանապահները առանց հիմնավորումներ ներկայացնելու արգելում են հայաստանցի քաղաքական կամ հասարակական գործիչներին, լրագրողներին և ակտիվիստներին մտնել երկիր։ Ռուս-ուկրաինական պատերազմից հետո առավել հաճախ այս արգելքին առերեսվում են ռուսաստանցիները։ Վրաստանում գործող կարգավորումները թույլ են տալիս տեղաշարժը սահմանափակել առանց հիմքեր ներկայացնելու։
The post Հայաստանի Եվրոպական կուսակցության նախագահին թույլ չեն տվել մտնել Վրաաստան first appeared on Epress.am.