Екі бөлімді драма
ҚАТЫНАСУШЫЛАР:
Қоспан — шопан.
Жаңыл — әйелі.Қасболат — аупартком секретары.
Жапнасбай — әр түрлі қызметтегі адам.Қаламүш — жас шопан.
Мінайдар — қарт шопан.Қадыржан — озық шопан, Мінайдардың баласы.Құмар — колхоз председательКолхозшылар.
БІРІНШІ БӨЛІМ
Бірінші көрініс
Колхоз кеңсесі. Таң алды. Қарбалас үрей бар. Қасболат телефонмен айқайлап сөйлесіп тұр. Құмар, бригадир, тракторшы бұлар өз алдына даурыққан.
Құмар. Сен шырағым, қиқаңды қой. Мына Жалмұқан қасыңа екі кісі береді. Соларды мінгізіп ал да, тезірек жөнел.
Тракторшы. Ойбай-ау, ол әлі ремонты бітпеген трактор. Жабық кабинасы да жоқ. Мына боранда кісі ұшып өледі ғой.
Құмар. Жоқ, бар деген...
