24 жаштагы эркин күрөш балбаны Бекзат Аламз уулу, алгач ирет олимпиадада күчүн сынаганы турат. Ал 7-августа вилемге чыгат.
Грек-рим күрөшүнүн балбаны Амантур Исмаиловдун мээнеткечтиги, артка чегинбегендиги менен өзгөчөлөнгөн балбан. Ал Париж олимпиадасында 67 килограмм салмакта күчүн сынайт.
Грек-рим күрөшүнөн балбан Жоламан Шаршенбеков да Дүйнөлүк күрөш уюмунун (UWW) рейтингинде 60 килограмм салмакта биринчи орунда. Жоламан да акыркы эки жылда жети мелдештен жети байге утса, анын алтоо алтын, бирөө коло медал.
Кыргызстанда эркин күрөштүн жылдызына айланган Эрназар Акматалиев экинчи ирет олимпиадада күчүн сынаганы турат. Ал 65 килограмм салмакта килемге чыгат.
Кубанычбек Айбек уулу Париж олимпиадасында дзюдодон күчүн сынаганы турат. Ал дүйнөдөгү эң абройлуу мелдештердин бири саналган "Чоң шлем" турниринде алтын байге уткан алгачкы кыргызстандык дзюдочу. Айбек уулу 28-июлда мелдешке чыгат.
Бокс боюнча Дүйнө чемпионатынын коло байгесинин ээси, мушкер Мунарбек Сейитбек уулу 28-июлда 57 килограммга чейинки салмакта мелдешке чыгат. Ал олимпиада оюндарына биринчижолу катышып жатат.
Орусиядагы эң кирешелүү жана ийгиликтүү бизнестердин бири, Кыргызстанда да кулач жайган Wildberries соода аянтчасынын айланасында чоң жаңжал тутанды. Анын негиздөөчүсү жана ээси Татьяна Бакальчук ажырашып жатканын айтса, күйөөсү Владислав Бакальчук компания рейдерликке туш болгонун жар салып, Чеченстандын жетекчиси Рамзан Кадыровго даттанды.
Азия оюндарынын жана Азиянын эки жолку чемпиону Айпери Медет кызы экинчи ирет олимп оюндарында күчүн сынаганы турат. Ал жаш кыздарды күрөшкө шыктандырган Кыргызстандагы таанымал балбан кыздардын бири.
Айсулуу Тыныбекова өлкөнүн спорт тарыхындагы жаңы баракты жазган эң ийгиликтүү спортчу жана анын өрнөгү миңдеген кыздарды шыктандырып, кыз-келиндер күрөшүнөн Кыргызстан дүйнөдөгү күчтүү мектепке айлана алды.
Акжол Кыргызстандын күрөш мектебин дүйнөгө даңазалап, спорт тарыхынын жаңы барагын ачкан балбан. Акжол Махмудов бул ирет олимпиаданын алтынын алганга жан үрөйт.
Эрлан Шеров кыргыз дзюдосунун тарыхында дүйнө чемпионатынан коло медалын утуп, Азия оюндарынын чемпиону болгон алгачкы дзюдочу. Ал Париж олимпиадасында 31-июлда дзюдодон 90 килограммга чейинки салмакта күрөшөт.
Денис Петрашов сууда сүзүүнүн брасс стилинде 50, 100 жана 200 метр аралыктарда Азиянын төрт жолку чемпиону. Быйыл үчүнчү жолу Олимпиада оюндарына катышкан турат. Ал 27-июлда Париж олимпиадасында сууда сүзүүнүн брасс стилинде 100 метрге жарышка чыгат.
Мээрим Жуманазарова акыркы беш жылда дүйнөгө ысымын таанытып, кыргыз күрөшүнүн алтын доорун жараткан балбан кыздардын бири. Ал олимпиада оюндарына экинчи ирет катышканы турат. Мээрим 5-августа кыз-келиндер күрөшүнөн 68 килограмм саламакта килемге чыгат.