КР Президенти, Коопсуздук Кеңешинин башчысы С.Н. Жапаровго
КР УКМК төрагасы К.К. Ташиевке
Урматтуу Садыр Нургожоевич!
Урматтуу Камчыбек Кыдыршаевич!
Кара-Суу райондук ЖДПБ директору К. Аталиевди төмөнкү фактылардын негизинде кылмыш жоопкерчилигине тартып, иштен айдап же ротация кылып берүүнүздү суранабыз.
1. КР Саламаттык сактоо министри Г.М. Баатырова өзүнүн жердеши Кара-Кулжа районунда туулган Кадыр Аталиевди Кара-Суу ЖДПБ директору кызмат ордуна мыйзамсыз дайындайт. Себеби, К. Аталиев баштапкы медицинада тажрыйбасы жана түшүнүгү жок. Ал мурда үй-бүлөлүк дарыгер болуп иштеген эмес.
2. Кара-Суу районунда 2022 жылы эне менен баланын өлүм фактылары катталган эмес. Бирок, К. Аталиев ишке дайындалгандан кийин эки ай өтүп эле 2023 жылдын февраль айында эне менен жаш баланын өлүмүнүн фактылары катталган. Кара-Суу району Катта-Талдык айыл аймагынын Баш-Булак айылында төрөт мезгилинде Ош областтык төрөт үйүндө бир аял каза болсо, бир жаш бала эмдөөдөн кийин каза болгон. Бирок, КР Саламаттык сактоо министри Г. Баатырова кызмат абалынан пайдаланып, өзүнүн жердеши К. Аталиевди иштен албай жатат.
3. К. Аталиев келгенден кийин 10 кызматкерди мыйзамсыз иштен алган же кызмат ордун төмөндөткөн. К. Аталиев аларды мажбурлап, мыйзамсыз арызын жаздырган. Ордуна өзүнүн жердештерин ишке дайындаган. Мисалы үчүн, дарылоо иштери боюнча орун басары кызмат ордуна С. Суранбаевди дайындаган.
4. “Нариман”, “Кашкар-Кыштак” ҮДТ клиникалык жетекчилерди мыйзамсыз иштен алган. Кара-Суу райондук ЦСМ кеңеш борборунун мүдүрү М. Жороевди иштен айдап салгандан кийин, ал каттуу ооруп, кант диабети ашып кеткен.
5. Кара-Суу рай.ЖДПБ кадрлар бөлүмүнүн башчысын мыйзамсыз башка ишке көтөрүп, ордуна министр Г. Баатырова менен мурда иштеген 73 жаштагы пенсионер Т. Абдырахмановду мыйзамсыз ишке алган. К. Аталиев: “Артымда Г. Баатырова бар”-деп коркутуп алган. Ошондуктан Аталиев иштен алынса гана 10 кызматкер УКМК тергөөчүсүнө күбөлүк беришет.
6. К. Аталиев кызмат абалынан кыянаттык менен пайдаланып, мамлекеттен айлык алган жетекчилик функционалдык милдеттерин так аткарбай, иш убактысында гинекологиялык, хирургиялык операциялар жасап, мамлекетке өзгөчө ири өлчөмдө зыян келтирген. Операция үчүн акча алып жатабы? Ал боюнча УКМК ыкчам-тергөө иш-аракеттерин жүргүзүүсү зарыл.
7. Мурдагы КР Президенти С.Ш. Жээбековдун жердеши болгон К. Аталиев мурда Ош областтык ооруканасынын директорунун орун басары болуп Ковид мезгилинде 4 жыл эмгектенген. Ковид мезгилинде Жээнбековдор кланы Ковид менен күрөшүү үчүн чет элден келген жана бюджеттик миллиарддаган сомдорду уурдаган деп, А. Жээнбеков камалган, ал кустурулган. Бирок, А. Жээнбековго жардам берген кылмыштуу шериктери кустурулган эмес. Ош областтык ооруканасынын директорунун орун басары болуп 4 жыл эмгектенген К. Аталиевдин ишмердуулугу толук текшерилип, келтирген зыяны аныкталышы зарыл.
8. КР Президенти С.Н. Жапаров саламаттык сактоо тармагына коңүл буруп, чоң акчаларды ажыратып, жаңы медициналык мекемелерди ачып жатат. КР УКМК жетекчиси К.К. Ташиев Сузак районунун Барпы айылына 270 млн. сомдук төрөт үйүн куруп, эл алкышын алышса. К. Аталиев Президенттин саламаттык сактоо тармагын өңүктүрүү мамлекеттик саясатына каршы чыгып, медициналык мекемени жаап салам деп, эл каргышын алып жатат. “Эмне үчүн эл каргышына калып, мындай кылып жатасыз?”-деп сурасак, “Оптимизация, акчана экономдоо үчүн” - деп жатат. Бирок, ошол эле учурда өзүнүн айлык маянасын жана ЖДПБ аппараттында штаттарды кыскартпай, өзүнүн жердештерин ишке алып жатат. Саламатык сактоо тармагына карапайым элдин ден-соолугун чыңдаган врач эмес, өзүнүн жана жердештерин гана пайдасын ойлогон коммерсант келген бекен? Суроо туулат, эмне үчүн мурдагы КР Президенти С. Жээнбековдун жердеши Аталиев КР Президенти С.Н. Жапаровдун саламаттык сактоо тармагын өңүктүрүү мамлекеттик саясатына каршы чыгып, элдин нааразылыгын ойготуп жатат? Ал боюнча КР УКМК оперативдуу ыкчам чаралар көрүп, элдин ишенимин кайтарышы зарыл.
9. Суроо туулат К. Аталиев врачпы, же саясатчыбы? Себеби 2015 жылы “Кыргызстан” партиясынан ЖК депутаттыгына аттанып, чоң акча иштеткен “Кыргызстан” партиясы добуш сатып алган, анын лидери алкомагнат Шаршенбек Абдыкеримов салык төлөбөй, мамлекет эсебинен мыйзамсыз байыган. Ал акчаларды кайдан алган, врачтын айлыгы аз болсо? Же Аталиев медициналык мекемени жаап салышыдан максаты, элдин нааразылыгын ойготуп, кандайдыр бир саясый максаты барбы? Аны УКМК текшерип, укуктук баа бериши керек.
10. К. Аталиев жөнүндө жана аны мыйзамсыз дайындап, колдоп жаткан КР Саламаттык сактоо министри Г. Баатырова жана анын уулу Сабиров боюнча көп компрмаалыматтар бар. Эгерде Г. Баатырова К. Аталиевке чара көрбөй, иштен албаса, Г. Баатырова жана уулу жөнүндөгү маалыматтарды Сизге арыз менен жана ЖМК аркылуу жарыялоого аргасыз болобуз. Албетте Г. Баатырова: “Мен Ажобуздун аялын коштоп жүрөм, мага мыйзам иштебейт” - деп ойлошу мүмкүн. Бирок, КР Президенти С.Н. Жапаров: “Эгерде менин бир тууганым болсо дагы, менин атымды сатып, мыйзамсыз аракет кылса, ал сөзсүз камалат”-деп элге айткан.
Жогоркулардын негизинде Сизден суранабыз:
1) Кара-Суу райондук ЖДПБ директору К. Аталиевди иштен алуунузду же болбосо Нарын облусунун Ат-Башы районуна ротация кылып берүүнүздү.
2) Президенттин саламаттык сактоо тармагын өңүктүрүү мамлекеттик саясатына каршы чыгып, К. Аталиев жаап салмакчы болгон медициналык мекемени кайра ачтырып берүүнүздү.
3) К. Аталиев мыйзамсыз иштен алган 10 кызматкерди өз иш ордуна дайындап берүүнүздү.
4) Ош обл.оорукананын директорунун орун басары жана Кара-Суу ЖДПБ эмгектенген К. Аталиевдин ишмердуулугу толук текшерилип, келтирген зыяны аныкталып, кустурулсун.
5) Тергөө мезгилинде К. Аталиевдин колдоочуусу Г. Баатырованы кызматынын убактылуу четтетип берүүнүздү.
Кызыл-Кыштак айылдык кеңешинин депутаттары О.Д. Токторалиева
Г.М. Мирзакаримова, 10.03.2023 ж.
