Орусиядан 300дөн ашык кыргызстандык мекенине кайтып келди
Анда айтылгандай, каттамдар 14-августта учуп келди.
Кайтып келгендердин ичинде кош бойлуу, жаш балалуу аялдар, студенттер, кары-картаңдар, муктаждар жана башка аялуу катмардагы жарандар бар.
Кыргызстандын Орусиядагы элчилигинин маалыматына караганда, 20-марттан 1-августка чейин Орусиянын 21 аймагынан 20 миңден ашуун кыргыз жараны мекенине кайтты. Алар үчүн 80ге жакын авиакаттам жана Казакстандын аймагы аркылуу Оренбург, Самара облустарынан 52 автобус уюштурулган.
Мурдараак Орусиянын Кыргызстандагы элчилиги билдирүү таратып, Бишкек менен Оштон Орусиянын шаарларына 15-августтан авиакаттам ачыларын билдирген. 30-августка чейин 16 каттам болору кабарланган. (ErN)