Район башлыгын ау вакытында атып үтергәннәр
Россия Тикшерү комитетының Новосибирск өлкәсе буенча тикшерү идарәсе ау вакытында саксызлык аркасында кеше үтерүдә шикләнелүче ир-атка карата җинаять эше ачкан. Бу хакта Россия Тикшерү комитетының Новосибирск өлкәсе буенча тикшерү идарәсенең рәсми телеграм-каналында хәбәр ителә.
Орда районара тикшерү бүлеге РФ Җинаять кодексының 109 нчы маддәсенең 1 нче өлеше («Саксызлык аркасында кешегә үлем китерү») нигезендә җинаять эше ачкан.
Тикшерүчеләрнең якынча мәгълүматларына караганда, 1 октябрьңә ир-ат танышлары белән бергә Новосибирск өлкәсенең Довольное районы Шагалка авылы янында кыргый хайваннар аулаган. Аның лицензиясе булган. Шул ук көнне кич белән ир-ат карабиннан кыр кәҗәсенә аткан, ләкин ут линиясендә башка аучылар булмаганлыгын тикшермәгән. Нәтиҗәдә ул Новосибирскиның Ленин районы башлыгын яралаган. Зыян күрүче шунда ук һәлак булган.
Хәзерге вакытта тикшерүчеләр дәлилләр җыя. Җинаять эшен тикшерү дәвам итә, диелә хәбәрдә.