Турменеджер Ландыш Капранова ял итәргә теләүчеләргә сезон булмаганда ял итәргә киңәш итә. Әйтик, җәй көне Мальдив утрауларына тур бик арзан була, чөнки җәен анда гадәттә болытлы һава торышы, шуңа күрә һава торышына өстенлек бирмәгәннәр арзан бәягә оча ала. Шундый ук принципны популяр юнәлешләргә дә кулланырга мөмкин: мисал өчен Төркия яки Мисырда ноябрь-декабрьдә сезон тәмамлана, һәм арзан бәягә яхшы кунакханәләрдә ял итеп була.
Россия юнәлешләрендә дә сезон булмаганда торак бәяләре шулай ук берничә тапкыр арзанрак тора. Мисал өчен, Дагыстан кебек популяр юнәлештә, октябрь аенда җылы көннәр торуга карамастан, торак бәясе бик арзан була. Актив туризм клубының туристлык юнәлеше җитәкчесе Игорь Иванов төркем белән бергә Дагыстанда террасалы, 5 бүлмәле, зур кунак бүлмәсе булган 2 катлы коттеджны тәүлегенә нибары 5000 сумга арендага алган. Моңа кадәр алар Махачкалада яшәгәннәр, шулай ук 10 кешедән торган компания, тәүлегенә 3000 сум түләп торган.
Фото: © chelny-izvest.ru
Әгәр ялда көннәр санын кыскартсаң, шулай ук экономияләп була. Әгәр элек туристлар еш кына турларны 10 көнгә яки 2 атнага алсалар, хәзер кыйммәт булу сәбәпле, турларны 1 атналык итеп сатып алуны өстен күрәләр икән.
Авиакомпания сайтларын кат-кат карап утырмас өчен, агрегаторлардан файдалану яхшырак. Бу, мәсәлән, «Aviasales», «Aetwotrip», «Яндекс.Сәяхәтләр» һәм башкалар.
Шулай да авиабилетларны Ландыш Капранова рәсми сайтлардан сатып алырга киңәш итә. Әгәр дә сез агрегаторда кирәкле вариантны тапкансыз икән, аны нәкъ менә авиакомпания сайтында алу яхшырак, моның өчен алдан теркәлергә кирәк. Чөнки шулай миль җыярга, авиакомпанияләрнең бонус программаларында катнашырга мөмкин.
Турагент Артем Сергеев билгеләп үткәнчә, агрегаторлар бик уңайлы, алар бәяләр белән барлык тәкъдимнәрне җыя, әмма аларның системасында еш кына актуаль булмаган, инде искергән мәгълүмат була. Өстәвенә, агрегатор аша сатып алынган билетларны кире кайтару кыен. Агрегаторның төп плюсы шунда, авиабилетлар турындагы барлык мәгълүмат бер урында.
– Юнәлешләр буенча эшләүче турагентларны да һичшиксез тикшерергә кирәк. Туроператорларда билетлар еш кына авиакомпанияләрнең үзләренә караганда арзанрак була, чөнки алар алдан ук урыннарны сатып ала. Агрегаторлардан алганда билетларны кире кайтару белән проблемалар булырга мөмкин. Акцияләрне авиакомпанияләрнең үзләрендә дә эләктерергә була, шуңа күрә уңыш ничек елмая бит. Моны ничектер махсус күзәтеп булмый, – ди Артем Сергеев.
Популяр булмаган маршрутларга дәүләт субсидияләнә торган билетлар бирә, бюджеттан аларга акча бүлеп бирелә, һәм бу юнәлешләр буенча очу шактый отышлы була.
2024 елда Казаннан Нальчик, Яңа Уренгой, Салехард, Сургут, Тобольск, Томскка; Түбән Камадан – Яңа Уренгой һәм Сургут, Тобольск, Төмәнгә субсидияләнгән авиабилетлар бар иде.
Фото: © chelny-izvest.ru
Авиакомпанияләрнең акцияләре турында алдан белеп булмый, бары тик күзәтергә генә кирәк. Мәсәлән, аларның яңалыкларына язылырга. Әйтик, еш кына алар билетларга 10-20 процентка кадәр ташламалар ясыйлар. Шулай ук һәрвакыт «Кара җомга» актуаль була, анда да бәяләр төшү күзәтелә.
Бәйрәмнәр чорында, мәсәлән, Яңа ел, май бәйрәмнәре, мәктәп каникуллары вакытында бәяләр һәрвакыт югары була. Һәм бер якка гына алуга караганда, бару-кайту билетын алу отышлырак булуын белергә кирәк.
Кулда йөртә торган гына багаж кергән авиабилет зур багажлы билет белән чагыштырганда арзанрак тора. Ләкин әгәр сезнең багажыгыз бар икән, аны, мәсәлән, курьер хезмәте белән җибәрергә мөмкин. Актив туризм клубының туристлык юнәлеше җитәкчесе Игорь Иванов күп сәяхәт итә һәм еш кына бу алымнан файдалана икән.
– Авиабилетны кулда йөртә торган гына багаж кергәнен сатып алу, ә әйберләрне «китереп бирү» хезмәте белән җибәрү отышлы. Тагын популяр онлайн-сервиста 300-500 сумга гына нинди дә булса әйбер сату турында белдерү урнаштырырга, әлеге сервиста китереп бирү хезмәтен тоташтырырга һәм үзеңә заказ ясарга мөмкин. Һәм багажны бик арзан бәягә җибәрә аласың, – дип уртаклаша Игорь.
Кайвакыт, мәсәлән, күрше шәһәргә кадәр авиабилет сатып алганда, сизелерлек экономияләргә мөмкин. Әйтик, Игорь Иванов хәзер төркем белән Дагыстанда. Махачкалага кадәр авиабилет 25 000 сум тора, ә Грозныйга кадәр – нибары 5000 сум. Чечнядан Дагыстанга кадәр автомобильдә нибары 2 сәгать эчендә барып җитәргә мөмкин.
«РЖД»да катгый расланган график, һәм китү көне якынрак булган саен, билетларга бәяләр дә югарырак. Плацкарт вагоннарына билетлар өчен гамәлдә булган сезонлы коэффициентлар бар. Сезон булмаганда билетлар база тарифына төшерүче коэффициент белән сатыла, ягъни арзанрак, ә сезонда – кыйммәтрәк. Сезон коэффициентлары алдан ук 1 елга расланып куела.
«Челнинские известия» сайтыннан тәрҗемә.
