Калмыкиянең Элиста шәһәрендә яшәүче кыз балага өйдә мәче һөҗүм иткән. Бу турыда социаль челтәрләргә сылтама белән «Вести» каналы яза.
Салынкы колаклы Шотландия мәчесе 9 яшьлек кызны имгәтә. Җитди тешләгән урыннары булган баланы хастаханәгә салалар.
Кыз үзе сөйләгәнчә, өйдә яши торган песи аңа кисәк кенә һөҗүм итә. Песи кызның битен, кулларын, башын, аякларын, арткы ягын тешләп, тырнап бетерә.
Ләкин баланың анасы бернинди тикшерү оештырмаган. Ул песинең үзләрендә 3 ел яшәвен, кызы песине яратуын белдерә. Шуңа күрә ул песидән котылырга җыенмавын әйтә, диелә хәбәрдә.
