Татарстан Яңа Чишмә районы Черемухово бистәсе һәм Ленино авылында Алексей Лапшин, Эдуард Чумаков һәм Павел Тумаков белән хушлаштылар. Алар махсус хәрби операция зонасында батырларча һәлак булган, дип яза «Яңа Чишмә хәбәрләре».
Район башлыгы Вячеслав Козлов Алексейның әти-әнисенең, туганнары һәм якыннарының тирән кайгысын уртаклашты.
– Бу – безнең барыбыз өчен дә бик авыр югалту. Хәрби операциядә катнашып, Алексей Михайлович үзенең хәрби бурычын батырларча үтәде һәм Ватан өчен үз гомерен бирде. Аның исеме хәрбинең туган авылында мәңгеләштереләчәк, безнең барыбыз өчен дә ул мәңгегә герой булып калачак.
Алексей Лапшин Черемухово бистәсеннән мобилизацияләнгән булган. Ул «Хәрби батырлык өчен», «Махсус хәрби операциядә катнашкан өчен» һәм «Россия оборонасын ныгытуга өлеш керткәне өчен» медальләре белән бүләкләнгән.
Фото: © https://novoshishminsk.ru/
Ленино авылыннан Эдуард Чумаков һәм Павел Тумаков контракт буенча хезмәт иткәннәр. Район башлыгы Вячеслав Козлов Эдуард белән Павелның әти-әнисе, хатыннары, балалары, туганнары һәм якыннарының тирән кайгыларын уртаклашты.
– Бу – безнең барыбыз өчен дә бик авыр югалту. Хәрби операциядә катнашып, Эдуард Владимирович һәм Павел Васильевич үзләренең хәрби бурычларын батырларча үтәделәр һәм Ватан өчен гомерләрен бирделәр. Аларның исемнәре безнең районда мәңгеләштереләчәк, безнең барыбыз өчен дә алар мәңгегә герой булып калачак.
Фото: © https://novoshishminsk.ru/
Алексей Лапшин, Эдуард Чумаков белән Павел Тумаковны хәрбиләрчә хөрмәтләп соңгы юлга озаттылар. «Якташларыбызның якты истәлеге күңелләрдә мәңге сакланыр!» – диелгән хәбәрдә.
Фото: © https://novoshishminsk.ru/
Чумаков Эдуард Владимирович, 25.07.1988 - 31.10.2024
Лапшин Алексей Михайлович, 20.02.1989 - 05.11.2024
Тумаков Павел Васильевич, 05.04.1989 - 31.08.2024
