Красноярск краенда Красная Сопка авылында яшәүче гаиләдә 4 бала агуланып үлде. Әниләре бишенче баланы көтә иде. Хәзер ул сау-сәламәт малай тудырган. Бу турыда «Комсомольская правда» яза.
Сабый 8 ноябрьдә Ачинск хастаханәсендә дөньяга килгән. Бала белән ананы өйләренә җибәргәннәр.
Коточкыч фаҗигадән соң бу гаилә күрше авылга күченгән.
Фаҗига 21 сентябрьдә иртән була. Күп балалы гаилә алдагы кичтә пилмән һәм тавык ашый. 3 көн өчендә бер-бер артлы 4 бала – 13 яшьлек малай һәм 3 кыз үлә. Әтиләре белән әниләрен – 34 яшьлек Дмитрий һәм 32 яшьлек Викторияне коткаралар.
Соңрак билгеле булганча, әни кеше 9нчы ай йөкле була. Табиблар карындагы баланы да саклап кала.
Берничә атнада Тикшерү комитеты хәбәр иткәнчә, 4 бала үлеменең төп версиясе – инсектицид белән агулану. Туганнар ашаган чакта дихлофос белән агуланган булырга мөмкин – савыт-сабада һәм өйдә бөҗәкләргә каршы чара компонентлары табылган.
Сорау алганда әтиләре әйткәнчә, ул өйне коңгызларга каршы эшкәрткән. Бүлмәләрдә аэрозоль баллончыклары һәм исемсез пестицид пакетлары табылган.
Җинаять эшен тикшерү бара, диелә хәбәрдә.
