Татьяна Ефремова күптән түгел әни булды. Алар, тормыш иптәше Владислав белән, кызларына Василиса дип исем кушкан. Татьяна социаль челтәрдә ул бу исемне күптәннән уйлап йөргәне турында сөйли. Булачак ире белән танышкач, аңа ире дә нәкъ шушы исем ошавын әйткән булган.
«Миңа 16 яшь булганда, совет мультфильмнарында бу исемне ишетеп калдым. Бу мультфильмның нәрсә турында икәнен дә хәтерләмим, әмма төп геройның исеменә гашыйк булган идем. Бу исем турында бик озак уйлап йөрдем... Һәм аның сирәк булуына исем китте! Бу исемне һәрвакыт матурлык, мәхәббәт белән тиңли идем. Һәм шунда... кызым була калса, аңа һичшиксез шул исемне кушармын, дип уйладым. 10 ел узды... 2 август! Мин – Татьяна, Анна кызы һәм Мария белән Татьяна оныгы, кызым Василисаны дөньяга китердем! Василиса Владиславовна», – дип язган Татьяна Ефремова.
Җырчы Татьяна Ефремова ире белән бәби табуы турында: «Элек басуда бала табу кебек»
Татьяна Ефремова: «Бабам Чүк бәйрәме онытылмасын өчен 5 баласы белән яулык җыярга чыккан»
Әлфия Авзалова бәйгесендә Гран-при иясе Татьяна Ефремова: «Конкурс күктән җиргә төшерә»
