Тимергали хәзрәт Юлдашев телеграм-каналында шифа сорау догасын язды.
Пәйгамбәребез Мөхәммәд салләллаһу галәйһи вә сәлләм әлеге дога хакында: «Әгәр берәү гомере бетмәгән авыру кеше янына килеп, әлеге доганы 7 тапкыр укыса, Аллаһ, һичшиксез, аңа авыруыннан дәва бирер», – дигән.
Укылышы:أسأل الله العظيم، ربَّ العرشِ العظيم، أن يَشفيك
«Әсъәлуллааһуль газыыймә Раббуль гаршуль газыыймә әй-йәшфийәк»
Мәгънәсе: «Бөек Гарешнең Раббысы булган Бөек Аллаһтан сиңа шифа сорыйм».
Ил-көннәребез имин, күкләребез якты, күңелләребез тыныч, ниятләребез дөрес булса иде. Раббыбыз ике җомга арасында бакыйлыкка күчкәннәрнең белеп вә белми кылган хата-кимчелекләрен, гөнаһларын гафу әйләсен, авыруларга шифаларын бирсен иде», – дип яза хәзрәт.
