Лилия Хәйруллина бу көннәрдә, барлык тамашачыларын һәм социаль челтәрдәге дусларын шаккаттырып, үзенең дүртенче тапкыр әни булуын хәбәр итте. Бу хакта биредә яздык:
Җырчының дүртенче баласын алып кайтуы төрле имеш-мимешләр таралуга да сәбәп булган. Җырчының балалары кемнән икән, Лилия аларның әтиләре белән аралашамы икән, дип баш ватудан тыш, җырчы турында «суррогат әни» дип уйлаучылар да бар икән. Бу хакта аның үзеннән дә сораганнар. Лилия әлеге сорауны сторисларына чыгарып, тулы җавап биргән.
«Юк! Барлык балаларым да үземнеке! Мин аларны үзем өчен таптым. Аларны беркайда да күрсәтмим, бу – минем принцип. Миңа һәм балаларыма шулай тынычрак. Бу – минем өчен бөтен рейтинглардан да мөһимрәк», – дигән ул.
