22 мартта кич белән Мәскәүдә яшәүче Савелий Н. һәм аның сөйгән кызы Юлия Х. «Пикник» концертына соңга калмас өчен тырыша. Алар таксистны да ашыктыра, «Крокус» янына килеп җиткәч, йөгерә-йөгерә ишеккә баралар. Террорчыларның берсе егет белән кыздан берничә метр ераклыкта гына була. 28 яшьлек егет сөйгән кызын гәүдәсе белән каплый, аңа берничә пуля тия. Бу турыда «Комсомольская правда» яза.
«Биш минут чамасы ятканбыздыр. Аннары безнең янга бер кеше килде, көч структураларыннан икәне аермачык. Безгә күрсәтмәләр бирде. Башны күтәрмәскә, торып басмаска. Яралылар булса – ашыгыч ярдәм килгәнче торып басмаска. Бераздан ул торып басты, тирә-якны тикшерә башлады.
Аннары йөри алучыларга торып басарга ярдәм итте. Без егетем белән кулга-кул тотынышып, гәүдәләр өстеннән атлап, урамга йөгердек. Без ресторанга кереп качтык. Хәзер Савелий Красногорск хастаханәсендә. Аның тишел чыккан ике ярасы бар. Ядрә булган дип уйлыйм. Сул кулына, ботына, үкчәсенә зыян килгән», – ди 22 яшьлек Юлия.
