Хәрби корреспондент Александр Коц «Комсомольская правда»да мобилизациянең икенче дулкынын уздыруны һәм махсус хәрби операциягә срочникларны җибәрүне хуплап чыгыш ясады.
«Мобилизациянең икенче дулкыныннан башка булмый. Мин махсус хәрби операциядә срочникларны да катнаштыру яклы. Ни өчен аларны җәлеп итмәүләрен аңламыйм. Алар мобилизацияләнгән һәм армиянең нәрсә икәнен әллә кайчан онытып бетергән өлкән ир-атларга караганда, ныграк әзерләнгән», – диде хәрби корреспондент Александр Коц.
Коц әйтүенчә, Россиянең теләсә нинди өндәмәсенә көндәш үз мобилизациясе белән җавап бирә. Шул ук вакытта, аның фикеренчә, сугышчылар арый, аларга ял итәргә кирәк, һәм Россия армиясен сизелерлек тулыландырып тормасаң, армиягә уңышларын үстерү авыр булачак.
Хәрби корреспондент мобилизациянең икенче дулкыны дөрес булыр иде, бу – «объектив чынбарлык», дип саный.
Коцның бу чыгышы күпсанлы бәхәсләр уятты.
