Раççей пуласлăхĕ – çамрăксен аллинче. Çакна çитĕнекен ăру та хăйĕн ĕçĕ-хĕлĕпе çирĕплетет. Медицинăри, социаллă тытăмри, экологири, ял-хулари пĕлтерĕшлĕ ыйтусене вĕсем проектсем пурнăçа кĕртсе татса пама тăрăшаççĕ. Ку енĕпе пуçаруллă çамрăксене «iВолга» форум та пулăшать. Кăçал унта хутшăнса тĕрев укçине çĕнсе илнĕ пултаруллă яш-кĕрĕмпе республика ертÿçи Олег Николаев тĕл пулчĕ. «iВолга» форум çурла уйăхĕнчех вĕçленнĕ пулин те, унта пухнă пĕлÿ, кăмăл-туйăм паянхи кун та çамрăксен асĕнчех. Мал ĕмĕтлĕ хĕрсемпе
<p>Раççей пуласлăхĕ – çамрăксен аллинче. Çакна çитĕнекен ăру та хăйĕн ĕçĕ-хĕлĕпе çирĕплетет. Медицинăри, социаллă тытăмри, экологири, ял-хулари пĕлтерĕшлĕ ыйтусене вĕсем проектсем пурнăçа кĕртсе татса пама тăрăшаççĕ. Ку енĕпе пуçаруллă çамрăксене «iВолга» форум та пулăшать. Кăçал унта хутшăнса тĕрев укçине çĕнсе илнĕ пултаруллă яш-кĕрĕмпе республика ертÿçи Олег Николаев тĕл пулчĕ. «iВолга» форум çурла уйăхĕнчех вĕçленнĕ пулин те, унта пухнă пĕлÿ, кăмăл-туйăм паянхи кун та çамрăксен асĕнчех. Мал ĕмĕтлĕ хĕрсемпе каччăсем халĕ шăпах унта çĕнсе илнĕ проектсене пурнăçа кĕртес енĕпе тимлеççĕ. Медицина волонтерĕсен уйрăмĕн хастарĕ Дарья Спиридонова сыватмăшсенче чылай вăхăт сипленекен ачасене хавхалантарас, вĕсен кăмăлне çĕклес тĕллевлĕ. Проектпа килĕшÿллĕн çамрăксен ушкăнĕ республикăри больницăсене çула тухса пĕчĕк пациентсемпе интерактивлă занятисем ирттересшĕн. Палăртнине пĕтĕмпе ĕçе кĕртме халĕ вĕсен 180 000 тенкĕ тĕрев укçи пур. ДАРЬЯ СПИРИДОНОВА: «Вĕсем больницăра выртнă чухне хăйсене кичем туяççĕ ашшĕпе-амăшĕсĕр тата тухтăрсем хăратма пултараççĕ. Юлашкинчен эпир вĕсене тата вăйлăрах савăнтаратпăр парне панипе. Паянхи тĕлпулу пирĕншĕн питĕ усăллă пулчĕ. Республика ертÿçи пире малашне хамăрăн проектсене тăсма сĕнÿ пачĕ». Тĕлпулăва пухăннисене çамрăксем хăйсен проекчĕсемпе паллаштарчĕç, малашлăхра аталанса пыма çĕнĕ шухăшсене пурнăçа кĕртме хатĕррине пĕлтерчĕç. Чи кирли – ку ĕçре вĕсене хавхалантарса пыракансем пурри. – Чăваш Ен патшалăх Правительстви çамрăксене питĕ пулăшса пырать çакăн пек проектсенче. Ку ĕнтĕ тĕрлĕ условисемсĕр пуçне эпир пĕлтĕртенпе ятарлă проект центрĕ туса çак ĕçе йĕркелесе пыма палăртнă. Çак ĕçе пĕлтĕр пуçланă пулсан, кăçал тата та малалла тăсса проектсене çамрăксен шухăшĕсене тĕрĕс йĕркелесе çакăн пек форумсенче хÿтĕлеме пулăшса пырасси. Кăçал «iВолга» форумра Чăваш Ен çамрăкĕсем хастарлăхпа палăрнă. Çак кăтарту яш-кĕрĕме çитес çул та çĕнĕ ÿсĕмсем тума хавхалантарĕ. Юлия Адюкова, Юрий Марков</p>
