16 яшьлек үсмер абыйсы белән әбисен үтергән
12 май көнне Пермь шәһәрендә 16 яшьлек укучы абыйсын һәм әбисен пычак кадап үтергән. Бу хакта Россия Тикшерү комитетының Пермь крае буенча тикшерү идарәсе матбугат хезмәтендә хәбәр иттеләр, дип яза «КП-Пермь».
Үтерү җинаяте Свердловск районында Коминтерн урамында кылынган.
Барысы да гадәти талаштан башлана: 9 нчы сыйныф укучысы ярсый һәм абыйсына ташлана. Ул аңа пычак белән һөҗүм итә, аннан соң агрессив оныгын туктатырга тырышкан әбисен яралый. Аңа берничә тапкыр пычак белән кадый. Малайның абыйсы һәм әбисе шунда ук үлә.
«Россия Тикшерү комитеты тикшерүчеләре җинаять эше кузгатты һәм тикшерү эше алып бара», – диләр Россия Тикшерү комитетының Пермь крае буенча Тикшерү идарәсе матбугат хезмәтендә.