Россия прокуратураси мактабларда қизларга ҳижобда юришни тақиқлаб қўйди…
Яқинда Пенза шаҳар Октябрь туман прокурори шаҳардаги 20 дан ортиқ мактаблар раҳбарлари билан айнан мактабларда қизларнинг ҳижобда юриши масаласида суҳбат ўтказди. Суҳбат эса мактаблар раҳбарларига интизомий чоралар кўриш билан якунланди. Прокурор айтдики, Россия федерацияси ҳудудидаги мактаблар ўқувчилари, асосан қизлар ҳижобда таълим олиш учун келмаслиги керак. Ўқувчи қизлар учун ҳам ягона мактаб формаси мавжуд. Фақат шу формаларда юришлари шарт. Давлат қонунларига кўра, ўқувчи қизлар мактабда ўз диний қарашларини намойиш этиш, амалга тадбиқ этиш ҳуқуқига эга эмас.