Хөкүмәт коммуналь инфраструктураны яңарту өчен 150 миллиард сум бүлеп бирәчәк
Киләсе 2 елда коммуналь инфраструктураны яңартуга 150 миллиард сум акча каралган. Эшләрне Илкүләм байлык фонды финанслый, дип белдерде Россия вице-премьеры Марат Хөснуллин. Бу хакта Министрлар Кабинетының матбугат хезмәте хәбәр итә.
«Бу Россия Федерациясе Президенты коммуналь инфраструктураны яңарту өлешендә куйган бурычларны тормышка ашыру өчен мөһим адым. Модернизация проектларын финанслаганда Торак-коммуналь хуҗалык фондының төп максаты - гражданнар тормышының яңа сыйфатын тәэмин итү», – диде министр урынбасары.
Ул билгеләп үткәнчә, Торак-коммуналь хуҗалык фондына төрле торак объектларын яңартуга 60 гариза килгән инде. Мөрәҗәгатьләр 63 миллиардтан артык сум акча билгеләүне күздә тота.