Бугарска делегација во Брисел на разговори за прекинот на испорака на гас од Русија
Според Бугарската национална телевизија, посетата на бугарските високи претставници на Брисел е поврзана со одлуката на руската гасна компанија „Газпром“ да го прекине снабдувањето со гас за Бугарија.
Русија вчера ја прекина испораката на гас за Бугарија и Полска со образложение дека двете земји одбиле да плаќаат во рубљи.
Европската комисија соопшти дека одлуката на Москва е уцена и провокација од страна на Кремљ, а плаќањето во рубљи е спротивно на европските санкции.
Петков: Бугарија нема да подлегне на уцени и да го плаќа гасот во руски рубљи
Претседателката, Урсула фон дер Лајен рече дека Европа била подготвена за вакво сценарио идека веќе се работи на обезбедување алтернативни испораки.
Русија е трет по големина производител на нафта во светот и втор најголем производител на природен гас.
Во Европа покрива 25 отсто од нафтата и 30 до 40 отсто од испораките на гас.
Снабдувањето со гас за Европа е попроблематично поради природата на процесот на испорака - набавката од други производители би била многу поскапа и комплицирана.