ВОЗ вәкиле: «Спутник V» вакцинасын тану техник процессны тикшерүгә бәйле тоткарлана
(Казан, 29 декабрь, «Татар-информ»). Коронавирустан «Спутник V» Россия вакцинасын тану процессы технологик процессларны тикшерү аркасында тоткарлана. Бу хакта Бөтендөнья сәламәтлек саклау оешмасы (ВОЗ) вәкиле Маргарет Харрис RT телеканалына сөйләде.
«Бездә Бөтендөнья сәламәтлек саклау оешмасына кертүдә гадәттән тыш хәлләрдә файдалану өчен чаралар реестрына кертү процедурасы бар. Без куркынычсызлык һәм нәтиҗәлелекне документаль раслауны, шулай ук җитештерү технологиясе буенча документацияне сорыйбыз», — дип аңлатты халыкара оешма вәкиле.
Харрис билгеләп үткәнчә, еш кына технологик процессларны тикшерүгә күп вакыт китә. Бу, аның сүзләренә караганда, «барлык нечкәлекләрне ачыкларга, инспекция үткәрергә һәм шулай алга таба вакцинага яшел ут бирер өчен» кирәк.
Шул ук вакытта ВОЗ вәкиле шундый ук процедураны башка регуляторлар куллана, дип аңлатты. «Шуңа күрә бу тоткарлыклар сәбәбе булырга мөмкин», — дип искәртте ул.