Татьяна Голикова бөтен Россиядә битлек режимы гамәлдә булуын искәртте
(Казан, 21 июль, «Татар-информ»). Россия вице-премьеры Татьяна Голикова Россиянең барлык төбәкләрендә битлек режимы саклануын әйтте. «Бүгенгә илнең бөтен төбәкләрендә дә битлек режимы саклана», — диде ул хакимият вәкилләре белән видеоконференция режимында узган киңәшмәдә. Бу турыда РИА Новости хәбәр итә. Аның сүзләренчә, 66 төбәктә 65 яшьтән өлкәнрәк һәм хроник авырулары булган гражданнар өчен чикләүләр саклана, 19 төбәктә чикләү гамәлдән чыгарылган, бишесендә чир йоктыру очракларының Россиядәге уртача күрсәткечтән югары булуы теркәлгән.